ඕස්ට්‍රේලියාවේ නිල දත්ත තොරතුරු වාර්තාවන්ට අනුව අද (25) දින වන විට ඔමික්‍රෝන් අනු ප්‍රභේදයක් වාර්ථාගත ලෙස ඉහළ යමින් තිබේ. මෙම අනු ප්‍රභේදය ආසාධනය වීමෙන් රෝහල්ගත කරන ලද රෝගීන් සංඛ්‍යාව 5,450 ලෙස වාර්තා වේ. ඕස්ට්‍රේලියාවේ සෞඛ්‍ය ආරක්ෂණ සේවාව විසින් නිවේදනය කර තිබුණේ රෝග කාරක ආසාධිතයන් රට පුරා ව්‍යාප්තව ඇති බවයි.
ජනවාරි මස ඇරඹි ඔමික්‍රෝනි පළමු රැල්ලට සාපේක්ෂව ආසාධිතයන් සංඛ්‍යාව වැඩි වී ඇති අතර දෛනික මරණ සංඛ්‍යාවද ඉහළ ගොස් ඇත. පසුගිය සෙනසුරාදා(23) දිනය තුළදී වාර්තා වූ මරණ සංඛ්‍යාව 100කි.
රජය විසින් වාර්තාකර තිබුණේ වැඩිහිටි ප්‍රජාව අතර මෙය පැතිරීමේ අවධානයඅවධානම වැඩි බවයි.
ඕස්ට්‍රේලියාවේවේ සෞඛ්‍ය සේවා පද්ධතිය ප්‍රකාශ කර තිබුණේ මේ වන විට සෞඛ්‍ය කාර්ය මණ්ඩලයන්හි සේවක පිරිස්හටද රෝගය ආසාධනය වීම හා ආසාධිත පුද්ගලයන්ගේ ආශ්‍රය හේතුවෙන් හුදකලා වීම පවතින අතර මෙය පවතින තත්වය තවත් නරක අතට හැරවීමටසමත් බවයි.
දකුණු දිග ශීත සෘතුව ආරම්භ වීමත් සමඟ කොවිඩ්-19 හා ඉන්ෆුවෙන්සා වෛරසය පැතිරීම ආරම්භ වූ අතර සෞඛ්‍ය අංශ බලධාරීන් ප්‍රකාශ කරනු ලැබුවේ නිවසේ සිට සිය රැකියා කිරීමට හැකි උපරිමයෙන් කටයුතු කරන ලෙසත් බූස්ටර් මාත්‍රාව ලබා ගන්නා ලෙසත්ය. ඕස්ට්‍රේලියාව යනු කොරෝනා මාත්‍රා දෙකම ඉතාම සාර්ථකව ලබා දුන් රටවලින් එකක් වන අතර මේ වන විට එහි වයස අවුරුදු 16ට වැඩි 95% පමණ පිරිසක් මාත්‍රා දෙකම ලබාගෙන ඇත.
මේ වන විට ඕස්ට්‍රේලියාවේ සමස්ත කොවිඩ් -19 ආසාධනයව ඇති ප්‍රමාණය මිලියන 9.13 ක් වන අතර ඉන් වාර්තා වන ලද මරණ සංඛ්‍යාව 11,181 කි.
සශිකලා මධුෂාණී_OBT
Tag: විදෙස්
-
ඕස්ට්‍රේලියාවේ ඔමික්‍රෝන් අනු ප්‍රභේදයක් වාර්ථාගත ලෙස ඉහළ යයි. ආසාධිත පුද්ගලයන් ගණන 5,450 ඉක්මවයි.
-
2022 වසරේ චීනයේ උණුසුම්ම දිනය අද
ඉදිරි පැය 24තුළ චීනයේ උෂ්ණත්වය 40C (104F) ඉක්මවනු ඇති බව චීන කාලගුණ විද්‍යා මධ්‍යස්ථානය විසින් නිවේදනය කර තිබේ.
චීනයේ රාජ්‍ය මාධ්‍ය විසින් අදින් ඇරඹෙන ඉතිරි දින 10ක පමණ කාලය තුළ උෂ්ණත්වය අධික වනු ඇති බවට අනතුරු අඟවා ඇත. ගැලැසිරයන්ගේ දියවීම හේතුවෙන් උෂ්ණත්වය අධිකවන බවත්, මේ වන විට ලෝකය පුරා ව්‍යාප්තව ඇති අධික තාප තරංගයන් චීනයට ඇතුළු වීමත්, හේතුවෙන් මෙම අසාමාන්‍ය උෂ්ණත්වය වැඩි වන්නට ඇති බව කාලගුණ විද්‍යාඥයන් ප්‍රකාශ කර තිබේ.
වෙරළබඩ සමහර නගර වලට මේ වන විටත් අධි අවධානම් තත්ව නිවේදනය කර ඇත. Zhejiang පළාතේ නිවාස හා කර්මාන්තශාලාවන්ට උෂ්ණත්වය ඉහළයාම සම්බන්ධයෙන් රතු නිවේදන නිකුත් කර ඇති අතර ඇත.
හදිසි ආපදා කළමණාකරණ අමාත්‍යංශය මඟින් නිවේදනය කර තිබුණේ අධික උෂ්ණත්වයත් සමඟ සුළඟේ වේගය ඉහලයාම අපේක්ෂා කරන හෙයින් විදුලිය සම්බන්ධයෙන් යම් බිඳවැටීම් සිදුවිය හැකි බවත්, ඒ පිළිබඳ කල්පනාකාරීවන ලෙසත්ය. එමෙන්ම අධික උෂ්ණත්වය මෙන්ම අධික සුළඟ හේතුවෙන් ලැව්ගිනි ඇතිවීමේ අවධානමක් ඇති බවටද අනතුරු අඟවා තිබේ. මෙහිදී රජය විසින් පොදුවේ සමස්ත ජනතාව වෙත නිවේදනය කර තිබුණේ හැකිතාක් ගමන් බිමන් අවම කර ගන්නා ලෙසයි.
දේශගුණික විපර්යාසයන් හා කාබන් විමෝදනය අධික වීම නිසා මෙලෙස ඇරඹෙන තාප තරංග හේතුවෙන් මේ වන විට ආසියාව, බටහිර යුරෝපය, උතුරු අප්‍රිකාව සහ උතුරු ඇමරිකාවේ ප්‍රදේශ බොහොමයක් පිළිස්සෙමින් ඇත. මෙම තත්වය තව බොහෝ කලක් යන තෙක් දක්නට ලැබෙනු ඇති බව විද්‍යාඥයන් ප්‍රකාශ කර තිබේ.
සශිකලා මධුෂාණී_OBT -
කැපිටල් කෝලාහලය බලයේ රැදී සිටීමට ට්‍රම්ප්ට තිබූ ආත්මාර්ථකාමී ආශාවේ කැඩපතක් බව අනාවරණය වේ.
2021 ජනවාරි මස 6 වන දින සිදු වූ කැපිටල් හිල් හෙවත් අමෙරිකානු සෙනෙට් සභාව පිහිටි ගොඩනැගිල්ලට කඩා වැදුණු විරෝධතාකරුවන් උසිගැන්වීමේ චෝදනා මත ට්‍රම්ප්ට එරෙහිව වසරකට ආසන්න කාලයක් විමර්ශනය වෙමින් පවතියි. පසුගිය (22) දින නියෝජිත මන්ත්‍රී මණ්ඩලයේ තේරීම් කාරක සභාවේ ග්‍රීෂ්ම සෘතුවේ අටවන නඩු විභාගය මඟින් අනාවරණය වූයේ ට්‍රම්ප් මහතා නීතිය ක්‍රියාත්මක කරන්නන්ට හෝ ජාතික ආරක්ෂක කාර්ය මණ්ඩලයට එක ඇමතුමක් ලබා දී තත්වය සමතයකට පත් කිරීමට කටයුතු නොකළ බවයි.
ට්‍රම්ප් මහතා ඔහුගේ ජ්‍යෙෂ්ඨතම කාර්ය මණ්ඩලය, සමීපතම උපදේශකයින් සහ පවුලේ සාමාජිකයන් කොලහාලය මැඩ පවත්වන ලෙස කරන ලද ඉල්ලීම් සියල්ල ප්‍රතික්ෂප කර තිබිණ. “බලයේ රැඳී සිටීමේ ඔහුගේ ආත්මාර්ථකාමී ආශාව” මින් පිළිබිඹු වන බව ජාත්‍යන්තර මාධ්‍ය වාර්තා කර තිබේ.
කොංග්‍රසයේ නිල කටයුතුවලට බාධා කිරීම, ඇමරිකානු ජනතාව වංචා කිරීමට කුමන්ත්‍රණය කිරීම හෝ සාක්ෂිකරුවන්ට හානි කිරීම වැනි චෝදනා සම්බන්ධයෙන් ට්‍රම්ප් මහතාට චෝදනා කිරීමට ප්‍රමාණවත් සාක්ෂි තිබිය හැකි බව කමිටුවේ සාමාජිකයින් තීරණය කර තිබේ.
මෙම අවස්ථාව පිළිබඳව රිපබ්ලිකානුවකු වන ඇඩම් කින්සින්ගර් පැවසුවේ ඔහු ක්‍රියා නොකිරීමට තීරණය කර සිටි බවයි. ප්‍රහාරය ආරම්භ වී පැය තුනයි මිනිත්තු හතකට පසු, ට්‍රම්ප් මහතා ධවල මන්දිරයේ රෝස උද්‍යානයේ සිට පටිගත කරන ලද වීඩියෝවක් 16:17 ට නිකුත් කළේය, එහි ඔහු කැරලිකරුවන් “ඉතා විශේෂ” යැයි ප්‍රශංසා කළ නමුත් ඔවුන් විසුරුවා හරින ලෙස ඉල්ලා සිටියේය.
ට්‍රම්ප් මේ වන විට 2024 දී තමා නැවත ජනාධිපති ධුරයට තරඟ කළ හැකි බවට ඉඟි කරමින් සිටින බව ජාත්‍යන්තර මාධ්‍ය වාර්තා කර තිබේ.
සශිකලා මධුෂාණී_OBT -
ඉන්දියාවේ ප්‍රථම ආදිවාසී ජනාධිපති ශ්‍රීමනි ද්‍රෞපදි මුර්මු 25වන දා දිවුරුම් දෙයි.
ඒකාබද්ද විපක්ෂයේ යෂ්වන්ත් සිංහට එරෙහිව දක්ෂිනාංශික භාරතීය ජනතා පක්ෂය විසින් නායකත්වය දෙන ජාතික ප්‍රජාතන්ත්‍රවාදී සන්ධානයේ අපේක්ෂක ශ්‍රීමනි ද්‍රෞපදි මුර්මු පසුගිය 18 වන දින පැවැති ඉන්දියාවේ නව ජනාධිපති තෝරා පත් කර ගන්නා ඡන්ද විමසුමෙන් ජයග්‍රහණය කර තිබේ. ඒ අනුව 64 හැවිරිදි ඇය ජාතියේ පළමු පුරවැසියා සහ ඉන්දියාවේ සන්නද්ධ හමුදාවන්හි උත්තරීතර අණ දෙන නිලධාරියා බවට පත් වූ පළමු ආදිවාසි සහ දෙවන කාන්තාව වේ.
මෙම ඡන්ද විමසුම පාර්ලිමේන්තු මන්දිරයේ හා ප්‍රාන්ත ව්‍යවස්ථාදායක සභාවල පැවැති අතර එහිදී ඡන්දදායකයින් 4,796ක ඡන්ද දායකයන් සිය ඡන්දය භාවිතා කර තිබිණ. එය ප්‍රතිශතයක් ලෙස සියයට 98.98කි.
මෙහිදී ජනාධිපති අපේක්ෂක යෂ්වන්ත් සිංහට සාපේක්ෂව විශාල ඡන්ද ප්‍රමාණයක් ලබා ගැනීමට ශ්‍රීමනි ද්‍රෞපදි මුර්මු සමත්ව ඇති අතර 3219ක ප්‍රකාශිත ඡන්ද අතරින් ඇය දිනාගනු ලැබූ ඡන්ද සංඛ්‍යාව 2161කි. යෂ්වන්ත් සිංහට ලබාගත හැකිව තිබුණේ ඡන්ද 1058ක් පමණි.
දේශපාලන විචාරකයන් ඡන්දය පවතින අවස්ථාවේ ප්‍රකාශ කර තිබුණේ පවතින ජනප්‍රියතාවය අනුව ශ්‍රීමනිද්‍රෞපදි මුර්මු ඉදිරියෙන් සිටින අතර ඇයට පක්ෂව සියයට 60කට වැඩි ඡන්ද ප්‍රමාණයක් ලැබෙනු ඇති බවයි. ඇයට BJD, YSRCP, BSP, AIADMK, TDP, JD(S), Shiromani Akali Dal, Shiv Sena සහ JMMයන පක්ෂවල සහාය ලැබී කිබිණ.
සශිකලා මධුෂාණී_ OBT -
බ්‍රිතාන්‍යයේ අගමැති අපේක්ෂකත්වය පිළිබඳ අවසන් තරඟය රිෂී සුනක් හා ලීස් ට්‍රස් අතර
කන්සවේටිව් පක්ෂ නායකත්වය හා මීළඟ අග්‍රාමාත්‍යධූරය වෙනුවෙන් ඊයේ (20) දිනයේ පැවැති ඡන්ද විමසීමේදී ලබාගනු ලැබූ වැඩිම මනාප අනුව, රිෂී සුනක් හා ලීස් ට්‍රස් අවසන් කන්සවේටිව් පාක්ෂික ඡන්ද විමසීම වෙනුවෙන් පෙනී සිටීමට නියමිත බව ජාත්‍යන්තර මාධ්‍ය වාර්තා කර තිබේ.
හිටපු අගමැති බොරිස් ජොන්සන් මෙම මස මුල්දී පක්ෂ නායකත්වයේන ඉල්ලා අස් වූ අතර හිස් වූ කන්සවේටිව් නායකත්වය වෙනුවෙන් හා අගමැති අපේක්ෂකත්වය වෙනුවෙන් ඡන්ද විමසීම වට පහකට වඩා පැවැති අතර අපේක්ෂකයන් 10 දෙනෙකු ඒ වෙනුවෙන් ඉදිරිපත් විය.
ආරම්භයේදී ම රිෂී සුනක් ඉදිරියෙන්ම සිටි අතර ඔහු ඊයේ (20) පැවති ඡන්ද විමසීමෙන් ලබා ගනු ලැබූ මුළු ඡන්ද සංඛ්‍යාව 137කි. ට්‍රස් ඡන්ද 113ක් ලබා ගනු ලැබූ අතර මේ වන තෙක් දෙන තැනට වැඩිම ඡනද ලබා ගනු ලැබූ පෙනී මෝර්ඩන්ට් හට ඊයේ දිනයේ ලබා ගත හැකි වූයේ ඡන්ද 105ක් පමණි.
ඒ අනුව, වැඩිම මනාප ලබා ගනු ලැබූ අපේක්ෂකයන් දෙදෙනා පක්ෂයේ සාමාජිකයින් 160,000 කගේ මනාපයට අනුව සැප්තැම්බර් මාසයේදී, ජයග්‍රාහකයා සහ මීළඟ අගමැති අපේක්ෂකයා ප්‍රකාශයට පත් කරනු ඇත.
සිය ජයග්‍රහණය පිළිබඳව රිෂි සුනක් ට්විට්හි සඳහන් කර තිබුණේ තමන්ට සහයෝගය දැක්වූ සගයන් වෙනුවෙන් කෘතඥ වන බවත් අපගේ පණිවුඩය රට පුරා බෙදා හැරීමට දිවා රෑ නොබලා වැඩ කරන බවත්ය.
බ්‍රිතාන්‍යයේ අග්‍රමාත්‍යවරයෙකු සිය නිල කාලය තුළ නීතිය කඩ කළ මුල්ම අවස්ථාව සනිටුහන් වන්නේ බොරිස් ජොන්සන්ගේ ධූර කාලයේ ය. ඒ අනුව කන්සවේටිව් පක්ෂය රට තුළ අපකීර්තියට පත්ව ඇත. අවසන් අපේක්ෂකයන් දෙදෙනා බහුතර පාක්ෂික ඡන්ද විමසීමකට මුහුණ දෙන්නේ මෙවන් පරිසරයකය.
රිෂී සුනක් 2020 සිට 2022 දක්වා ජොන්සන්ගේ මහා භාණ්ඩාගාරයේ චාන්සලර් (මුදල් ඇමති) ලෙස සේවය කළ අතර, කොරොන වයිරස් වසංගතය අතරතුර ෆර්ලෝ යෝජනා ක්‍රමය සහ අවන්හල්වල ආහාර ගැනීම සඳහා වට්ටම් වැනි ජනප්‍රිය ක්‍රියාමාර්ග හඳුන්වා දීමෙන් පසු බොහෝ දුරට මහජනයා අතර ජනප්‍රිය විය. ඉන්දියාවේ පදිංචිව සිටින ඔහුගේ කෝටිපති බිරිඳවන අක්ෂාතා මූර්තිගේ බදු තත්වය පිළිබඳ ප්‍රශ්නයක් හේතුවෙන් පසු ගිය දා ඔහු යම් පීඩනයකට පත් විය. ඔහු බලයට පත් වුවද, ඔහුට සෑම තරාතිරමකම දේශපාලන සතුරන්ගේ විවේචන ජය ගැනීමට සිදුවනු ඇත.
ලිස් ට්‍රස් ජොන්සන්ගේ විදේශ ලේකම්වරිය ලෙස හා වෙළඳ කටයුතු ලේකම් ලෙස සේවය කරන අතර අවසානයේ ඔහු සැප්තැම්බර් මාසයේදී නිලයෙන් ඉවත් වන තෙක් එය කරනු ඇත. බ්‍රෙක්සිට් ගනුදෙනුවේ ආන්දෝලනාත්මක කොටසක් වන උතුරු අයර්ලන්ත ප්‍රොටෝකෝලය නැවත ලිවීමේ ජොන්සන්ගේ සැලැස්මට දැඩි ආධාරකාරියක් වූ ට්‍රස් පාර්ලිමේන්තු මන්ත්‍රීවරුන් සහ කොන්සර්වේටිව් බිම් මට්ටමේ ජනතාව අතර ඉතා ජනප්‍රිය බව වාර්තා වේ.
මේ වන විට සුනක් හා ට්‍රස් සිය මැතිවරණ ප්‍රචාරණ කටයුතු ආරම්භ කර ඇති අතර අවසන් ඡන්දයෙන් අනතුරුව ජොන්සන් රැජිණ වෙතු ගොස් ඉල්ලා අස්වීම සිදු කළ යුතුය.ඒහා සමගාමීව නව අනුප්‍රාප්තිකයා ඇය වෙත ගොස් නව රජයක් පිහිටුවීමට ආරාධනා කිරීමද සම්ප්‍රදායානුකූලව සිදු කරනු ඇත.
සශිකලා මධුෂාණී_ -
බ්‍රිතාන්‍යයේ උෂ්ණත්වය 38.1C (100.6F) ඉක්මවයි. උෂ්ණත්වය තව දුරටත් ඉහළයන ලකුණු
බ්‍රිතාන්‍යයේ උෂ්ණාධිකම දිනය ඊයේ දිනයේදී වාර්තා විය. ඒ 38.1C (100.6F) වාර්තා කරමිනි. අද (19) වන විට මෙම තත්වය තවත් ඉහළ යනු ඇතැයි අපේක්ෂා කෙරේ.
එක්සත් රාජධානියේ ජාතික කාලගුණ සේවාව විසින් රතු නිවේදන නිකුත් කරමින් මේ වනවිට සඳුදා සහ අඟහරුවාදා එංගලන්තයේ බොහෝ ප්‍රදේශවල උෂ්ණත්වය සෙල්සියස් අංශක 41 දක්වා පුරෝකථනය කර ඇත. මීට පෙර ඉහළම උෂ්ණත්වය 38.7C වශයෙන් 2019 වසරේදී කේම්බ්‍රිජ් වලින් වාර්තා විය. ඉන් අනතුරුව උෂ්ණත්වය අධික ලෙස ඉහළ ගිය මුල්ම අවස්ථාව මෙය වේ.
වේල්සයේ වාර්තාගත උණුසුම්ම දිනය ඊයේ දිනයේදී හාවඩ්වලින් වාර්තා වූ අතර එහි සෙල්සියස් අංශක 37.1 ලෙස සඳහන් විය. අද දිනයේදී බටහිර බ්‍රිතාන්‍යයේ උෂ්ණත්වය යම් මට්ටමකට අඩුවනු ඇතැයි අපේක්ෂා කරන අතර මිඩ්ලන්ඩ්ස් සහ එංගලන්තයේ නැගෙනහිර කොටස් 40C අගයකට යනු ඇති බවද ලින්කන්ෂයර් හි 42C වාර්තා වනු ඇති බවද BBC කාලගුණ පුවත් සේවය වාර්තා කර තිබේ.
උෂ්ණත්වය හේතුවෙන් සිදුවූ පළමු මරණ ඊයේ දිනයේ දී බර්ක්ෂයර් හි මයිඩන්හෙඩ් හි වාර්තා විය. වයස අවුරුදු 16ක පිරිමි දරුවක් මෙලෙස මරණයට පත්ව ඇත. මීට අමතරව තේම්ස් නදියේ ගිලී 14 හැවිරිදි පිරිම් දරුවකුද මරණයට පත්ව ඇත.
මේ වන විට බ්‍රිතාන්‍යයේ පාසල් කිහිපයක් වසා දමා ඇති අතර කිහිපයක් විවෘතවද පවතියි. උෂ්ණාධික දිනයන්හි පාසල් පැවැත්විය යුතු ආකාරය පිළිබඳව රජය විසින් පූර්ව දැනුම් දීමක්ද කර තිබේ.
එමෙන්ම අත්‍යාවශ්‍ය දෙයකට හැර සඳුදා හා අඟහරුවාදා දෙදින තුළ විවෘත අවකාශයට නොපැමිණෙන ලෙස මඟීන්ගෙන් හා පදිකයන්ගෙන් රජය විසින් ඉල්ලීමක්ද කර ඇත. අඟහරුවාදා දිනය තුළ දුම්රිය මාර්ග පොදුවේ වසා දමා ඇති අතර උණුසුම් කාලගුණය හේතුවෙන් ධාවන පථයන්හි තාර දියවීම හේතුවෙන් ලූටන් ගුවන් තොටුපළේ ගුවන් ගමන් අත්හිටුවා ඇති බව ගුවන් තොටුපළ පවසයි. EasyJet පැවසුවේ ගුවන් ගමන් කිහිපයක් අවට ගුවන් තොටුපළ වෙත හරවා යවා ඇති අතර තවත් සමහරක් අවලංගු කර ඇති බවයි.
ඉදිරි දින කිහිපය තුළ ලැව්ගිනි ඇතිවීම වැළැක්විය නොහැකි බව ජාතික ගිනි නිවන ප්‍රධානීන්ගේ කවුන්සිලය අනතුරු අඟවා තිබේ. මේ වන විට බර්මින්හැම් මායිමේ ලිකී හිල්ස් කන්ට්‍රි උද්‍යානයේ වනාන්තරයේ විශාල ගින්නක් හටගෙන ඇති බව මාධ්‍ය විසින් නිවේදනය කර තිබේ.
තත්වය අතිශය භයානක බවත් කල්පනාකාරීව අනතුරු අවම කර ගන්නා ලෙසත් එක්සත් රාජධානියේ ජාතික කාලගුණ සේවාව හා සෞඛ්‍ය සේවාවන් අවධාරණය කර තිබේ.
සශිකලා මධුෂාණී_
-
ඉන්දියාවේ ජනාධිපතිවරණය වෙනුවෙන් ඡන්ද ප්‍රකාශ කිරීම අවසන්. ප්‍රකාශිත ඡන්ද ප්‍රතිශතය 98.90%
ඉන්දියාවේ මීළඟ ජනාධිපති තෝරා පත් කර ගන්නා පාර්ලිමේන්තු ඡන්ද ප්‍රකාශ කිරීම මේ වන විට අවසන්ව අති අතර ඡන්දය ප්‍රකාශ කළ සමස්ත පිරිස 98.90% ලෙස ඉන්දීය මාධ්‍ය නිවේදනය කර තිබේ. ප්‍රකාශිත ඡන්ද ගණන් කිරීම ජූනි මස 21 වන දින සිදුවනු ඇති අතර නව ජනාධිපතිවරයා දිවුරුම් දීම ජූනි මස 25වන දින සිදුකරනු ඇති බව වාර්තා වේ.
ජනාධිපති ධුරය වෙනුවෙන් ඒකාබද්ධ විපක්ෂයේ යෂ්වන්ත් සිංහට එරෙහිව දක්ෂිනාංශික භාරතීය ජනතා පක්ෂය විසින් නායකත්වය දෙන ජාතික ප්‍රජාතන්ත්‍රවාදී සන්ධානයේ අපේක්ෂක ද්‍රෞපදි මුර්මු මෙහිදී ඉදිරිපත්ව ඇත.
ඊයේ (18) දිනයේ ඡන්ද විමසීම පෙරවරු 10 ට ආරම්භ වී පස්වරු 5 දක්වා පැවති අතර අගමැති නරේන්ද්‍ර මෝදි සිය ඡන්දය ප්‍රකාශ කළ පළමු අය අතර විය. ජනාධිපතිවරණ ඡන්ද විමසීමේ දී පාර්ලිමේන්තු මන්දිරයේ සහ ප්‍රාන්ත ව්‍යවස්ථාදායක සභාවල මුළු ඡන්දදායකයින් 4,796 යටතේ සිදු වූ අතර මැතිවරණය සමස්තයක් වශයෙන් සාමකාමීව පැවැති බව අග්‍රාමාත්‍ය කාර්යාලය නිවේදනය කර තිබේ.
පවතින ජනප්‍රියතාවය අනුව ද්‍රෞපදි මුර්මු ඉදිරියෙන් සිටින අතර ඇයට පක්ෂව සියයට 60කට වැඩි ඡන්ද ප්‍රමාණයක් ලැබෙනු ඇතැයි දේශපාලන විචාරකයන් විසින් අපේක්ෂා කෙරේ. ඇයට BJD, YSRCP, BSP, AIADMK, TDP, JD(S), Shiromani Akali Dal, Shiv Sena සහ JMMයන පක්ෂවල සහාය ලැබී ඇත.
ද්‍රෞපදි මුර්මු ජනාධිපතිධූරයට පත් වුවහොත්, ඇය ගෝත්‍රික ප්‍රජාවෙන් රටේ ප්‍රමුඛතම ව්‍යවස්ථාපිත තනතුර හොබවන පළමු කාන්තාව බවට පත්වනු ඇත.
සශිකලා මධුෂාණී_ -
විස්වාස භංගයෙන් ගෙදර යැවූ ඉම්රාන් ඛාන්ට පන්ජාබ් ප්‍රාන්තයෙන් දැවැන්ත ජයක් – පාලක සභාගය දෙදරයි !
පසුගිය අප්‍රේල් මාසයේදී විස්වාස භංග යෝජනාවක් හේතුවෙන් පරාජයට පත් වූ පකිස්තාන අග්‍රාමාත්‍ය ඉම්රාන් ඛාන්ගේ PTI පක්ෂයට දැවැන්ත මැතිවරණ ජයග්‍රහණයක් ලැබී තිබෙනවා. ඒ පසුගියදා පැවති පන්ජාබ් ප්‍රාන්ත සභා මැතිවරණයෙනි.
ආසන 20 කින් සමන්විත ප්‍රාන්ත සභාවේ ආසන 15 ක් දිනා ගනිමින් හතරෙන් තුනක බහුතර බලයක් ස්ථාපිත කිරීමට ඉම්රාන් ඛාන් සමත්ව තිබේ. විශේෂත්වය වන්නේ වත්මන් අග්‍රාමාත්‍ය ෂෙබාස් ෂරීෆ්ගේ PLM-N පක්ෂයේ බල කඳවුරේදී මෙම ජයග්‍රහණ අත්පත් කර ගැනීමයි. එම පක්ෂයට හිමිවූයේ ආසන 04 ක් පමණි. ඉතිරි ආසනය දිනා ගැනීමට ස්වාධීන අපේක්ෂකයෙකු සමත්ව තිබේ.
මෙම ජයග්‍රහණයත් සමග කඩිනමින් මහ මැතිවරණයක් පැවැත්විය යුතු බවට ඉම්රාන් ඛාන් ප්‍රකාශ කර තිබෙනවා.
මෙම මැතිවරණ පරාජය PML-N ප්‍රමුඛ සභාග ආණ්ඩුව පුපුරා හැරීමට සමත්ව තිබේ. මේ වනවිට උද්ධමනය හේතුවෙන් සහ බලශක්ති අර්බුදය හේතුවෙන් පීඩාවට පත්ව සිටින පකිස්තානයට දේශපාලන අර්බුදයකට මුහුණදීමට සිදුව තිබේ.
UN
-
ජෝ බයිඩන් ඒ ඒ රටවලට ඒ ඒ හැන්ඳෙන් බෙදයි ; ඉරානය සම්බන්ධයෙන් දැඩි තීන්දුවක
ජෝ බයිඩන්ගේ මැදපෙරදිග සංචාරයේ ප්‍රධාන අවධානය යොමු වන්නේ මානව හිමිකම් සම්බන්ධයෙන් ඇතිව ඇති මතභේදයන් නිරාකරණය කර ගැනීම හා කලාපීය වශයෙන් උපායමාර්ගිකව සංවිධානය වීමත්, බිඳී ඇති හොඳ හිත නැවත ඇති කර ගැනීමත් වෙනුවෙනි.
බයිඩන් මහතා ඊශ්‍රායල සංචාරයේ දෙවන දිනයේ ඊශ්‍රායල අගමැති යායර් ලපිඩ් හමු විය. මෙහිදී වැඩි වශයෙන් ඉරාන න්‍යෂ්ටික අවි සම්බන්ධයෙන් සාකච්ඡාවට ලක් විය. ඉරාන න්‍යෂ්ටික වැඩසටහන සාමකාමී බව ඉරානය අවධාරනය කළත් ඊශ්‍රායලය හා එක්සත් ජනපයද විසින් එය කලාපීය වශයෙන් ඇතිවිය හැකි තර්ජනයක් බවට විශ්වාස කරයි. මේ හේතුව නිසා ඉරානයේ න්‍යෂ්ටික වැඩසටහන නැවැත්වීම සම්බන්ධයෙන් එක්සත් ජනපදය සිය ජාතික බලයේ සියලුම අංග භාවිතා කිරීමට සූදානම් බව බයිඩන් මෙහිදී දැඩි ස්ථාවරයක සිට පැහැදිළි කර ඇත.
ඉරානය සිය න්‍යෂ්ටික වැඩසටහන සම්බන්ධයෙන් එක්සත් ජනපදය හා අනෙකුත් බටහිර රටවල් සමඟ අර්බුදයක පැටලී සිටියි. ඒ 2015 ජාත්‍යන්තර ගිවිසුමක් යටතේ පනවා ඇති සීමාවන් උල්ලංඝනය කිරීමත් සමඟය.
ඉරානය දිගු කලක සිට ලෙබනනයේ බලවත් හිස්බුල්ලා ව්‍යාපාරයට සහ ගාසා තීරයේ පලස්තීන හමාස් සහ ඉස්ලාමීය ජිහාඩ් කණ්ඩායම්වලට අරමුදල්, පුහුණුව සහ ආයුධ සපයන බව එක්සත් ජනපදය හා ඊශ්‍රායලය දැඩිව විස්වාස කරයි.ඒ වැනි ත්‍රස්තවාදී සංවිධාන භාවිතා කිරීම ඇතුළුව ඉරානයේ ආක්‍රමණශීලී සහ අස්ථාවර ක්‍රියාකාරකම්වලට මුහුණ දීමට එක්සත් ජනපදය අපගේ අනෙකුත් හවුල්කරුවන් සමඟ එක්ව උපාය මාර්ගිකව කටයුතු කරන බව ජෝ බයිඩන් මෙහිදී ප්‍රකාශ කර ඇත.
බයිඩන් විසින් අද(15) දිනයේ බෙත්ලෙහෙම්හිදී පලස්තීන ජනාධිපති මහමුද් අබ්බාස් සමඟ සාකච්ඡා පවත්වනු ඇත. පලස්තීනුවන්ට මෙහිදී අවශ්‍ය වන්නේ ඊශ්‍රායලය සමඟ නැවතත් ආරම්භ කිරීමත් 2019 දී වසා දමන ලද ජෙරුසලමේ එක්සත් ජනපද කොන්සල් කාර්යාලය නැවත විවෘත කර ගැනීමත් ය. මේ සම්බන්ධව අද දිනයේදී සාකච්ඡා වන බවත් එනමුත් එක්සත් ජනපද කොන්සල් කාර්යාලය වසා දැමීම ආපසු හැරවීමට තවමත් සූදානම් නැති බව ධවල මන්දිරය විසින් මාධ්‍ය වෙත නිවේදනය කර තිබේ.
මෙහිදී බෙහෝ විචාරකයන්ගේ අවධානයට ලක්ව ඇත්තේ බයිඩන්ගේ සවුදි අරාබි සංචාරයයි. 2018 දී තුර්කියේදී සෞදි විසංවාදී මාධ්‍යවේදී ජමාල් ඛෂෝගි ඝාතනය කිරීම සම්බන්ධයෙන් එක්සත් ජනපද බුද්ධි අංශ විසින් ඔටුන්න හිමි මොහොමඩ් බින් සල්මාන් කුමරුට චෝදනා කිරීමත් සමඟ දෙරට අතර හොඳ හිත පලුදු විය. මෙම සංචාරය මඟින් සල්මාන් කුමරු සමඟ සබඳතා යලි ආරම්භ කිරීමත් ඒවා දෙපාර්ශවයටම වාසිදායක දිශානතියකට ගෙන යාමටත් අපේක්ෂා කෙරේ.
මෙම සංචාරය එක්සත් ජනපද නායකයෙකු මැද පෙරදිට ගිය මුල්ම අවස්ථාව වේ. මින් වැඩෙන සබඳතාව කුඩාවන මුත් එය දිගු කාලීන රාජ්‍ය තාන්ත්‍රික උපාය මාර්ගික සබඳතාවකට පදනමක් වනු ඇති බව දේශපාලන විශේෂඥයන් සඳහන් කර ඇත.
සශිකලා මධුෂාණී_
-
කන්සවේටිව් නායකත්වය වෙනුවෙන් පැවැති ප්‍රථම ඡන්දයේ ජය රිෂී සුනක්ට
එක්සත් රාජධානියේ අගමැති තනතුර දැරූ Boris Johnsonගේ ඉල්ලා අස් වීමෙන් පසු, මීළඟ අගමැති අපේක්ෂකයා හා කන්සවේටිව් නායකත්වය වෙනුවෙන් පැවැති මුල්ම ඡන්දයේ ජය ලබා ගැනීමට චාන්සලර් තනතුරේ සිටි Rishi Sunak සමත්ව තිබේ.
ඔහු ලබාගත් ඡන්ද සංඛ්‍යාව 88කි. ඡන්ද 67ක් ලබා ගනිමින් වෙළෙඳ අමාත්‍ය Penny Mordaunt දෙවන ස්ථානයද ඡන්ද 50ක් ලබා ගනිමින් විදේශ ලේකම් Liz Truss තෙවන ස්ථානයටද පත්ව තිබේ. චාන්සලර් නදීම් සහාවි සහ හිටපු සෞඛ්‍ය ලේකම් ජෙරමි හන්ට් තරඟයෙන් ඉවත් කරන ලදී. ඔවුන් ලබාගනු ලැබූ ඡන්ද සංඛ්‍යාව පිළිවලින් 25ක් හා 18ක් වේ. ජයග්‍රාහී පෙළේ රැදී සිටීමට නම් අවම ඡන්ද 30 පමණවත් ලැබිය යුතු බව සඳහන් වේ.
පළමු ඡන්දයෙන් ජයග්‍රහණය ලැබූ කන්සවේටිව් පාක්ෂිකයන් හය දෙනා වෙනුවෙන් අද (14) දින ඡන්ද විමසීමක් කිරීමට නියමිත අතර එසේ පිළිවලින් ප්‍රධාන තරඟකරුවන් දෙදෙනකු වන තෙක් මෙම ක්‍රමය ක්‍රියාත්මක වේ. සුව ටෝරි සාමාජිකයින් 160,000 ක් පමණ ඊළඟ පක්ෂ නායකයා සහ අගමැති වීමට කැමති අපේක්ෂකයා තීරණය කරයි.
බොරිස් ජොන්සන්ගේ රජය පවත්වාගෙන යාමට විරෝධය පළ කරමින් පසුගිය සතියේ චාන්සලර් ධුරයෙන් ඉවත් වූ Rishi Sunak මහතා ඡන්ද ප්‍රතිඵලය සමඟ තමාට විශිෂ්ට හැඟීමක් ඇති වූ බව BBC වෙත ප්‍රකාශ කර තිබිණ. එමෙන්ම දෙවන ස්ථානය දිනාගනු ලැබූ Penny Mordaunt මහත්මිය ප්‍රකාශ කර තිබුණේ මෙය තමාට ඉතා ගෞරවණීය අවසිථාවක් බවයි.
ඊයේ දිනයේ ප්‍රකාශිත ඡන්ද ප්‍රතිඵල සම්බන්ධයෙන් ජ්‍යෙෂ්ඨ පසුපෙළ මන්ත්‍රීවරයෙකු වන Tugendhat මහතා ට්වීට්හි අපූරු සටහනක් කර තිබිණි. එනම් “මෙය අපූරු ප්‍රතිඵලයකි. මේ රට යහපත් අතට හැරවීමට අවශ්‍ය ගම්‍යතාව සමඟින් මීළඟ වටයට යාමට ලැබීම ගැන මම සතුටු වෙමි. අපේ රටට පිරිසිදු ආරම්භයක් අවශ්‍යයි.” යනුවෙනි.
සශිකලා මධුෂාණී_
සබැඳි ලිපි: https://outboundtoday.com/%e0%b6%9a%e0%b7%9c%e0%b6%b1%e0%b7%8a%e0%b7%83%e0%b6%bb%e0%b7%8a%e0%b7%80%e0%b7%9a%e0%b6%a7%e0%b7%92%e0%b7%80%e0%b7%8a-%e0%b6%b1%e0%b7%8f%e0%b6%ba%e0%b6%9a%e0%b6%ad%e0%b7%8a%e0%b7%80%e0%b6%ba-%e0%b6%bd/