Tag: ඉන්ධන

අනිද්දා දිනයේ සිට, දෛනික විදුලි කප්පාදුව අඩු කිරීමට හැකිවනු ඇති බවට ලංකා විදුලිබල මණ්ඩලයේ සභාපති එම්.එම්.සී. ප්‍රදිනාන්දු මහතා පවසනවා.

ඉන්ධන අර්බුදය සහ විදුලි අර්බුදය හේතුවෙන් ජංගම දුරකතන සමාගම්ද දැඩි අපහසුතාවයට පත්ව තිබෙනවා. මේ වනවිට ජංගම දුරකතන සේවා සපයන සමාගම් කිහිපයකම 3G සහ 4G සේවාවන්වල යම් යම් බිඳවැටීම් සිදුව ඇති බවයි එම සමාගම් පෙන්වා දෙන්නේ.

පවතින ඉන්ධන හා විදුලි අර්බුදය හමුවේ ක්‍රීඩා හා තරුණ කටයුතු අමාත්‍යංශයේ රාජකාරි සඳහා අත්‍යවශ්‍ය සේවකයන් පමණක් සේවයට කැඳවීමට විෂය බාර අමාත්‍ය නාමල් රාජපක්ෂ මහතා තීරණය කර තිබෙනවා.

රට මුහුණ දී සිටින ඉන්ධන අර්බුදයට විසඳුමක් ලෙස දින කිහිපයකට හෝ රට වසා තබන ලෙස ආණ්ඩුවට යෝජනාවක් ඉදිරිපත් වී තිබෙනවා. දින කිහිපයකට රට වසාදමා ඉන්ධන හිගය ඇතුළු අර්බුදවලට තාවකාලිකව හෝ විසඳුම් ලබා දී රට නැවත විවෘත කරන ලෙසයි මෙම යෝජනාව ඉදිරිපත් කළ පාර්ශ්වය පවසා තිබෙන්නේ.

විදුලිබල මණ්ඩල ආරංචි මාර්ග පවසන්නේ විදුලි ජනන කටයුතු සඳහා ප්‍රමාණවත් ඉන්ධන තොග නොලැබුණහොත් ලබන සතියේ සිට විදුලි කප්පාදුව පැය 10 ද ඉක්මවා යනු ඇති බවයි.