Tag: ඉන්ධන

අද දින ක්‍රියාත්මක හර්තාලය හේතුවෙන් මුළු කොළඹ නගරයම වසා දමා තිබෙන අතර සියලුම දෛනික කටයුතු සම්පූර්ණයෙන්ම නතර වී තිබේ.

හර්තාලයට සහය දෙමින් වැඩ වර්ජනයේ නියුතු වෘත්ති සමිති විරෝධතා පා ගමනින් පාර්ලිමේන්තු වටරවුම අසල අන්තර් විශ්ව විද්‍යාල ශිෂ්‍ය බල මණ්ඩලය විසින් ක්‍රියාත්මක අරගල භූමියට පැමිණියේය.

අන්තර් විශ්ව විද්‍යාල ශිෂ්‍ය බල මණ්ඩලය විසින් ඊයේ පැවති විරෝධතාවෙන් අනතුරුව පාර්ලිමේන්තු වටරවුම අසල හොරු ගෝ ගම ස්ථාපිත කළ අතර මේ වන විට එම ස්ථානය අවට ආණ්ඩුවට විරෝධය පළකරමින් යට ඇඳුම් ප්‍රදර්ශනය කරමින් තිබේ.

ගාලුමුවදොර ජනාධිපති ලේකම් කාර්යාලය අසල පවත්වාගෙන ''ගෝඨා ගෝ ගම'' ඉවත් කරගැනීම සඳහා කොටුව මහේස්ත්‍රාත් අධිකරණය හමුවේ නීතිඥයින් කරුණු දක්වමින් සිටින අතර ඊට එරෙහිව ජන අරගලයට සහය පළකරමින් තවත් නීතිඥ කණ්ඩායමක් කරුණු දැක්වීම සිදුකෙරෙමින් පවතියි.

ශ්‍රී ජයවර්ධනපුර විශ්ව විද්‍යාල ඉදිරිපිටින් පාගමනින් පාර්ලිමේන්තු වටරවුම අසලට පැමිණි අන්තර් විශ්ව විද්‍යාල ශිෂ්‍ය බල මණ්ඩලය අද (05) එම ස්ථානයෙන් ඉවත් නොවීමට තීරණය කිරීමෙන් අනතුරුව රැය පහන් කිරීම සඳහා ඔවුන් එම ස්ථානය යම් ආකාරයකට සකස් කරමින් පසුවෙයි.