Tag: Sri Lanka

පසුගිය දින පහක් තුළම ඉන්ධන පිරවුම්හල් වෙත නිකුත් කරන ලද්දේ සීමිත ඩීසල් තොග බැවින් රට පුරා ඉන්ධන පිරවුම්හල්වල ඩීසල් හිඟයක් පවතින්නේ යැයි පිළිගන්නා බව බලශක්ති අමාත්‍ය උදය ගම්මන්පිල මහතා පවසයි.

ඉන්ධන පිරවුම්හල් තුළ ඉන්ධන නොමැති තත්ත්වයක් නොමැති අතර ඇතැම් ඒවායේ ඉන්ධන නොමැති බව ප්‍රකාශ කර තිබෙන හෙයින් ඒ පිළිබඳ සත්‍ය අසත්‍යතාව තහවුරු කරගැනීම සඳහා පොලීසිය යොදවා පරීක්ෂා කිරීමට කටයුතු කරන බව රාජ්‍ය අමාත්‍ය දිලුම් අමුණුගම මහතා පැවසුවේය.

හෙට දිනයේදීත් පැය 04 විනාඩි 30 ක හෝ ඊට වඩා වැඩි කාලයක විදුලි කප්පාදුවක් සිදුවීමට නියමිතය. මහජන උපයෝගීතා කොමිසම පවසන්නේ ලංකා විදුලිබල මණ්ඩලය සිදුකළ ඉල්ලීම සඳහා අනුමැතිය ලබාදුන් බවයි.

ගණ පූර්ණය නොමැතිවීම හේතුවෙන් අද පාර්ලිමේන්තුව හදිසියේ අත්හිටුවීමට සිදුවිය. ඒ අනුව පස්වරු 5.30 ට පමණ පාර්ලිමේන්තුවේ කටයුතු අත්හිටුවිණි.

අනවශ්‍ය ලෙස හා හිතුමතේ වාණිජ්‍ය ණය ලබා ගැනීම හේතුවෙන් ජල සම්පාදන හා ජලාපවාහන මණ්ඩලය පාඩු ලබන ආයතනයක් බවට පත්ව ඇති බව ජල සම්පාදන හා ජලාපවාහන සේවක සංගමය පවසනවා. මෙම තත්වය මත ජල සම්පාදන හා ජලාපවාහන මණ්ඩලය මහා භාණ්ඩාගාරය මත යැපෙන තත්වයට පත්ව ඇති බවයි එම සංගමයේ ප්‍රධාන ලේකම් උපාලි රත්නායක මහතා පෙන්වා දෙන්නේ.