Tag: Lanka News Web

විදේශ කටයුතු ඇමති සහ කටාර් තානාපති අල්-සරූර් දෙරට අතර බහුවිධ සබඳතා පිළිබඳ සාකච්ඡා

ඉන්දියාවෙන් ලබාගත් ණය මුදලින් කොටසක් භාවිතා කර ගම්මාන දාහතරදාහක පොහොට්ටු සාමාජිකයෙකු බැගින් තෝරාගෙන වෙළඳසැල් ආරම්භ කිරීමේ වැඩපිළිවෙලක් පිළිබඳව විපක්ෂ නායක සජිත් ප්‍රේමදාස මහතා අද පාර්ලිමේන්තුවේදි අනාවරණය කළේය.

ජනතාව පත්ව සිටින දුෂ්කරතාවලින් ඔවුන් මුදවා ගැනීම සඳහා ආණ්ඩුව අවශ්‍ය සියලු පියවර ගන්නා බව ක්‍රීඩා අමාත්‍ය නාමල් රාජපක්ෂ මහතා පවසනවා. ජනතාව පෝලිම්වල රස්තියාදුවෙමින් විඳින දුෂ්කරතා පිළිබඳව ආණ්ඩුවට පැහැදිලි අවබෝධයක් තිබෙන බවයි ඇමතිවරයා පවසන්නේ.

හෙට දින ජනාධිපතිවරයාගේ ප්‍රධානත්වයෙන් පැවැත්වීමට නියමිත සර්ව පාක්ෂික සමුළුව තමන් දකින ආකාරයට විහිළුවක් වන අතර එයට ගමේ මරණාධාර සමිතියකට තියෙන බලය හෝ නොමැති බව පාර්ලිමේන්තු මන්ත්‍රී ආචාර්ය විජයදාස රාජපක්ෂ මහතා පැවසුවේය.

ජනාධිපතිවරයා විසින් සර්ව පාක්ෂික සමුළුවක් කැඳවනු ලැබුවේ ආණ්ඩු පක්ෂ විපක්ෂ සියලු දෙනා කළ ඉල්ලීමක් අනුව වන හෙයින් ලබා දී තිබෙන අවස්ථාවෙන් ප්‍රයෝජන ගැනීම සඳහා ඊට සහභාගී වන ලෙස යැයි අධිකරණ අමාත්‍ය අලි සබ්‍රි මහතා පැවසුවේය.