Tag: විදෙස්

එක්සත් රාජධානියේ අගමැති තනතුර දැරූ Boris Johnsonගේ ඉල්ලා අස් වීමෙන් පසු, මීළඟ අගමැති අපේක්ෂකයා හා කන්සවේටිව් නායකත්වය වෙනුවෙන් පැවැති මුල්ම ඡන්දයේ ජය ලබා ගැනීමට චාන්සලර් තනතුරේ සිටි Rishi Sunak සමත්ව තිබේ.

ඔහු ලබාගත් ඡන්ද සංඛ්‍යාව 88කි. ඡන්ද 67ක් ලබා ගනිමින් වෙළෙඳ අමාත්‍ය Penny Mordaunt දෙවන ස්ථානයද ඡන්ද 50ක් ලබා ගනිමින් විදේශ ලේකම් Liz Truss තෙවන ස්ථානයටද පත්ව තිබේ. චාන්සලර් නදීම් සහාවි සහ හිටපු සෞඛ්‍ය ලේකම් ජෙරමි හන්ට් තරඟයෙන් ඉවත් කරන ලදී. ඔවුන් ලබාගනු ලැබූ ඡන්ද සංඛ්‍යාව පිළිවලින් 25ක් හා 18ක් වේ. ජයග්‍රාහී පෙළේ රැදී සිටීමට නම් අවම ඡන්ද 30 පමණවත් ලැබිය යුතු බව සඳහන් වේ.

පළමු ඡන්දයෙන් ජයග්‍රහණය ලැබූ කන්සවේටිව් පාක්ෂිකයන් හය දෙනා වෙනුවෙන් අද (14) දින ඡන්ද විමසීමක් කිරීමට නියමිත අතර එසේ පිළිවලින් ප්‍රධාන තරඟකරුවන් දෙදෙනකු වන තෙක් මෙම ක්‍රමය ක්‍රියාත්මක වේ. සුව ටෝරි සාමාජිකයින් 160,000 ක් පමණ ඊළඟ පක්ෂ නායකයා සහ අගමැති වීමට කැමති අපේක්ෂකයා තීරණය කරයි.

බොරිස් ජොන්සන්ගේ රජය පවත්වාගෙන යාමට විරෝධය පළ කරමින් පසුගිය සතියේ චාන්සලර් ධුරයෙන් ඉවත් වූ Rishi Sunak මහතා ඡන්ද ප්‍රතිඵලය සමඟ තමාට විශිෂ්ට හැඟීමක් ඇති වූ බව BBC වෙත ප්‍රකාශ කර තිබිණ. එමෙන්ම දෙවන ස්ථානය දිනාගනු ලැබූ Penny Mordaunt මහත්මිය ප්‍රකාශ කර තිබුණේ මෙය තමාට ඉතා ගෞරවණීය අවසිථාවක් බවයි.

ඊයේ දිනයේ ප්‍රකාශිත ඡන්ද ප්‍රතිඵල සම්බන්ධයෙන් ජ්‍යෙෂ්ඨ පසුපෙළ මන්ත්‍රීවරයෙකු වන Tugendhat මහතා ට්වීට්හි අපූරු සටහනක් කර තිබිණි. එනම් “මෙය අපූරු ප්‍රතිඵලයකි. මේ රට යහපත් අතට හැරවීමට අවශ්‍ය ගම්‍යතාව සමඟින් මීළඟ වටයට යාමට ලැබීම ගැන මම සතුටු වෙමි. අපේ රටට පිරිසිදු ආරම්භයක් අවශ්‍යයි.” යනුවෙනි.

සශිකලා මධුෂාණී_

සබැඳි ලිපි: https://outboundtoday.com/%e0%b6%9a%e0%b7%9c%e0%b6%b1%e0%b7%8a%e0%b7%83%e0%b6%bb%e0%b7%8a%e0%b7%80%e0%b7%9a%e0%b6%a7%e0%b7%92%e0%b7%80%e0%b7%8a-%e0%b6%b1%e0%b7%8f%e0%b6%ba%e0%b6%9a%e0%b6%ad%e0%b7%8a%e0%b7%80%e0%b6%ba-%e0%b6%bd/

ජෝ බයිඩන් සිය ප්‍රථම මැද පෙරදිග සංචාරය සඳහා ඊයේ (13)වන දින ඊශ්‍රායලයේ ටෙල් අවිව් වෙත ගොඩ බැස තිබේ. එක්සත් ජනපදයේ ජනාධිපතිවරයෙකු මැද පෙරදිග සංචාරය සඳහා සම්බන්ධවන ප්‍රථම අවස්ථාව මෙය වේ.

බයිඩන් සිය ආරම්භක දේශනයේදී ප්‍රකාශ කරනු ලැබුවේ යලිත් වරක් මිතුරන් සමඟ සිටගෙන ස්වාධීන ඊශ්‍රායල රාජ්‍යයට පැමිණීමට ලැබීම ගෞරවයක් බවයි. ”ඊශ්‍රායල් සහ ඇමරිකානු ජනතාව අතර සම්බන්ධය ගැඹුරුයි. පරම්පරාවෙන් පරම්පරාවට අපේ සම්බන්ධය වර්ධනය වෙනවා. අපි එකිනෙකා ආයෝජනය කරනවා. අපි එකට සිහින දකිමු. ඊශ්‍රායලය සමඟ එක්සත් ජනපද සබඳතා වෙන කවරදාටත් වඩා ගැඹුරු සහ ශක්තිමත් බව පැවසීමට මම ආඩම්බර වෙමි.” යනුවෙනි.

අති නවීන තාක්‍ෂණයෙන් ඊශ්‍රායලය වෙත ලබා දීමටත් එහි ආරක්ෂාව තහවුරු කිරීමටත් මැද පෙරදිග සහ ඉන්දු පැසිෆික් කලාපය අතර අපගේ ආර්ථික සහයෝගීතාව තහවුරු කරමින් ඒකාබද්ධතාවය ඉදිරියට ගෙන යාමට එක්සත් ජනපදයේ නොසැලෙන කැපවීම මෙහිදී බයිඩන් විසින් තහවුරු කරන ලද බව ජාත්‍යන්තර මාධ්‍ය අනාවරණය කෙරේ.

මීට අමතරව දෙදින තුළ, එක්සත් ජනපදයේ සහය දක්වන Iron Dome පද්ධතිය සහ Iron Beam නම් නව ලේසර් සක්‍රීය පද්ධතිය පිළිබඳව ඊශ්‍රායල ආරක්ෂක නිලධාරීන්ගෙන් විස්තරයක් ලැබීමට නියමිතය. මීට අමතරව දෙවන ලෝක යුද්ධයේදී සමූල ඝාතන වින්දිතයන් සිහි කිරීම සඳහා ගොඩ නගන ලද ඊශ්‍රායලයේ ස්මාරකය වන යාඩ් වෂෙම් වෙත යාමටත් සිය ගෞරවය පුද කිරීමටත් මෙම සංචාරයේදී අපේක්ෂා කෙරේ. ඊශ්‍රායලයේ අන්තර්වාර අගමැති Yair Lapid සහ හිටපු අගමැති බෙන්ජමින් නෙතන්යාහු ඇතුළු ඊශ්‍රායල නායකයින් සමඟ සාකච්ඡා කරමින් දින දෙකක කාලයක් ඔහු ජේරුසලමේ ගත කරනු ඇත.

බයිඩන් සිකුරාදා වන විට පලස්තීන ජනාධිපති මොහොමඩ් අබ්බාස් හමු වීමට නියමිතය. “මෙය පලස්තීන ජනතාව සහ ඔවුන්ගේ අභිලාෂයන් සහ ඔවුන්ගේ නායකත්වයේ ක්‍රියා අතර විශාල විරසකයක් ඇති බව සහතික කරයි.” ලෙසයි විදෙස් මාධ්‍ය මෙය වාර්තා කර තිබුණේ. 2017න් අනතුරුව දෙරට අතර නිලධාරීන් මුහුණට මුහුණලා සාකච්ඡා කරන ප්‍රධානතම අවස්ථව මෙය වේ.

පලස්තීන ඇමරිකානුවෙකු වන අල් ජසීරා වාර්තාකාරිනී ශිරීන් අබු අක්ලේ මැයි මාසයේදී මරා දැමීමෙන් එක්සත් ජනපදය හා පලස්තීන සබඳතා පළුදු විය. ජෙනින් හි ඊශ්‍රායල වැටලීම් වාර්තා කරමින් සිටියදී ප්‍රවීණ වාර්තාකරු ඊශ්‍රායල හමුදා විසින් වෙඩි තබා ඝාතනය කළ බව එක්සත් ජාතීන්ගේ සංවිධානය නිගමනය කර ඇත. අබූ අක්ලේගේ පවුලේ සාමාජිකයන් මේ සම්බන්ධව බයිඩන්ගේ ක්‍රියා කලාපය පිළිබඳව කෝපය ප්‍රකාශ කර ඇත. බයිඩන්ගේ සංචාරය අතරතුර ඔවුන්ට හමුවීමට අවස්ථාවක් ඉල්ලා ඇතිමුත් ඒ වෙනුවෙන් ධවල මන්දිරයෙන් ප්‍රතිචාර ලැබී නැත.

2019 දී හිටපු එක්සත් ජනපද ජනාධිපති ඩොනල්ඩ් ට්‍රම්ප් විසින් වසා දමන ලද ජෙරුසලමේ බටහිර දෙසින් පිහිටි කොන්සල් කාර්යාලය නැවත විවෘත කිරීමට එක්සත් ජනපදයට අවශ්‍ය වේ. බයිඩන් පලස්තීනය වෙනුවෙන් ඩොලර් මිලියන 100 ක ආධාරයක් ප්‍රකාශයට පත් කිරීමට යන අතර, වාඩිලාගෙන සිටින නැගෙනහිර ජෙරුසලමේ රෝහල් වෙනුවෙන් ආධාර කිරීමට අපේක්ෂා කෙරේ.

ඉන් අනතුරුව ඇමරිකානු ජනාධිපතිවරයා සෞදි අරාබියේ ජෙඩා වෙත පියාසර කරන අතර එහිදී ගල්ෆ් මිත්‍ර රටවල සමුළුවකටද සහභාගී වීම අපේක්ෂා කෙරේ.



සශිකලා මධුෂාණී_

2021 වසරේදී ගෝලීය ගැටුම් හේතුවෙන් යුක්රේනයේ, ඉතියෝපියාවේ, මොසැම්බික්හි ළමුන් 2,515 ක් මිය ගොස් 5,555 ක් ආබාධිත තත්වයට පත්ව ඇති බව එක්සත් ජාතීන්ගේ සංවිධානය විසින් ඊයේ (11) දින ප්‍රකාශයට පත් කර ඇති “ළමා සහ සන්නද්ධ ගැටුම්” වාර්තාවට අනුව පැහැදිලි වේ. මේ අනුව යමින් ඉදිරි කටයුතු එක්සත් ජාතීන්ගේ සංවිධානය විසින් විමර්ශනය කරන බව එහි ප්‍රධානී ඇන්ටෝනියෝ ගුටරෙස් විසින්නිවේදනය කර ඇත.

“ළමා සහ සන්නද්ධ ගැටුම්” වාර්තාවට අනුව 2021 දී ගෝලීය වශයෙන් ගැටුම් සඳහා ළමුන් 6,310 බඳවා ගැනීම සහ භාවිතය තහවුරු කර ඇත. මෙම වාර්තාවට අනුව අනෙකුත් උල්ලංඝනය කිරීම්වලට පැහැරගැනීම්, ලිංගික ප්‍රචණ්ඩත්වය, පාසල් සහ රෝහල් ප්‍රහාර සහ ගැටුම් වලදී ආධාර ප්‍රතික්ෂේප කිරීම ආදී කරුණුද වැඩි දුරටත් අන්තර්ගත වේ.

2021 වසරේදී දරුවන්ට එරෙහිව කරන ලද ප්‍රචණ්ඩත්වය පිළිබඳ වැඩිම තහවුරු කරන ලද සිදුවීම් වාර්තා වන්නේ යේමනය, සිරියාව, ඇෆ්ගනිස්ථානය, කොංගෝ ප්‍රජාතන්ත්‍රවාදී ජනරජය, සෝමාලියාව, ඊශ්‍රායලය සහ පලස්තීන ප්‍රදේශ වලිනි. ඇන්ටෝනියෝ ගුටරෙස් මේ පිළිබඳ සාකච්ඡා කරමින් ප්‍රකාශ කරනු ලැබුවේ ලබන වසර වන විට යුක්රේනය, ඉතියෝපියාව සහ මොසැම්බික් යන රාජ්‍යන්ද මෙම ලැයිස්තුවට එකතු වනු ඇති බවයි.

එක්සත් ජාතීන්ගේ ප්‍රධානියාගේ ළමා හා සන්නද්ධ ගැටුම් සඳහා වූ විශේෂ නියෝජිත වර්ජිනියා ගැම්බා ප්‍රකාශ කර ඇත්තේ යුක්රේන ගැටුම හේතුවෙන් ළමුන් ඝාතනය කිරීම සහ ආබාධිත කිරීම සහ පාසල්වලට සහ රෝහල්වලට පහරදීම බරපතල තත්වයන් බවයි. එක්සත් ජාතීන්ගේ මානව හිමිකම් ප්‍රධානී Michelle Bachelet පසුගිය සතියේ ප්‍රකාශ කර තිබු‌ණේ ළමුන් 335ක් සහිතව යුක්රේනයේ සිවිල් වැසියන් 4,889 ක් පමණ මරා දමා ඇති බවයි.

මෙම වාර්තාව පිළිබඳ රාජ්‍ය තාත්ත්‍රිකයන් පවසන්නේ සෞදි අරාබිය සහ ඊශ්‍රායලය එක්සත් ජාතීන්ගේ අසාදු ලේඛනයෙන් ඉවත්ව සිටීම සඳහා මෑත වසරවලදී බලපෑම් කළ බවයි. ඊශ්‍රායල ආරක්ෂක හමුදා පලස්තීන ළමුන් 78 දෙනෙකු ඝාතනය කර, තවත් 982 දෙනෙකු ආබාධිත කර, 2021 දී 637 දෙනෙකු රඳවා තබා ගත් අතර, යේමනයේ සෞදි ප්‍රමුඛ සන්ධානය පසුගිය වසරේ ළමුන් 100 දෙනෙකු මරා දමා ආබාධිත කර ඇත. මේ කිසිවක් වාර්තාවේ නොමැති වීම මතභේදාත්මක බව පවසයි.

සශිකලා මධුෂාණී_OBT
https://youtu.be/qFzskZo2pGE

රුසියාවට සහ බෙලරුසියාවට 2024 වසරේ පැරිස් ඔලිම්පික් උළෙල තහනම් කරන බව ජාත්‍යන්තර ඔලිම්පික් කමිටුවෙහි ( IOC) ජ්‍යෙෂ්ඨ සාමාජිකයෙකු වන ශ්‍රීමත් ක්‍රේග් රීඩී අනතුරු අඟවා තිබේ.


වසර 30කට ආසන්න කාලයක් ජාත්‍යන්තර ඔලිම්පික් කමිටුවේ බලගතු චරිතයක් වන රීඩී විශ්වාස කරන්නේ රුසියාවට සහ බෙලරුසියාවට ඉක්මනින්ම ජාත්‍යන්තර ක්‍රීඩාවට නැවත ඉඩ ලබා දීමට ඇති ඉඩකඩ අඩු බවයි.

යුක්රේනය ආක්‍රමණය කිරීමේ ප්‍රතිඵලයක් ලෙස රුසියාවට පැරිස් ඔලිම්පික් තරඟ තහනම් වන බව කියැවේ. “ගෝලීය ක්‍රීඩා තරඟවල අඛණ්ඩතාව සහ සියලුම සහභාගිවන්නන්ගේ ආරක්ෂාව සඳහා” රුසියානු සහ බෙලාරුසියානු ක්‍රීඩක ක්‍රීඩිකාවන් ජාත්‍යන්තර ඉසව්වලට තරඟ කිරීම වැළැක්විය යුතු බව IOC විසින් පෙබරවාරි මාසයේදී නිර්දේශ කරන ලදී. එය එලෙසින්ම මේ වන විටත් ක්‍රියාත්මක බව කියැවේ.

රුසියානුවන්ට තනි තනිව ජාත්‍යන්තරව තරඟ කිරීමට ඉඩ සලසන පාපැදි පැදීම, ජූඩෝ සහ ටෙනිස්, වෙනුවෙන් පමණක් ක්‍රීඩා කිරීමේ නිදහස හිමි වේ. රීඩී පවසන්නේ බොහෝ රුසියානු සහ බෙලාරුසියානු ක්‍රීඩක ක්‍රීඩිකාවන් සහ කණ්ඩායම් හට 2024 ක්‍රීඩා උළෙල සඳහා සුදුසුකම් ලැබීමේ ස්ථාන ඉදිරිපත් කර ඇති එම ඉසව්වලට තරඟ කිරීමට නොහැකි වනු ඇති බවයි.

SM-OBT

පසුගිය අප්‍රේල් මාසයේ සිට, චීනයේ මධ්‍යම හෙනාන් පළාතේ ග්‍රාමීය බැංකු හතරක් ඩොලර් මිලියන ගණනක් වටිනා තැන්පතු කැටි කර කිරීම හේතුවෙන් සිය ඉතුරුම් ඉල්ලා තැන්පත් කරුවන් කරන ලද සාමකාමී විරෝධතාවය චීන බලධාරීන් විසින් ඊයේ (11)දින ප්‍රචණ්ඩ ලෙස විසුරුවා හැර තිබේ.

කොවිඩ් අගුලුලෑම් වලින් බැට කෑ ලක්ෂ සංඛ්‍යාත ගනුදෙනුකරුවන් සිය රැකියා අහිමිවීම් සමඟ බරපතල ලෙස ජීවනෝපාය තර්ජනයකට මුහුණ පා ඇත. ඔවුන් විසින් පසුගිය මාස දෙක පුරා හෙනාන්හි පළාත් අගනුවර වන Zhengzhou නගරයේ පෙළපාලි කිහිපයක් පවත්වා සාමකාමී විරෝධතා කිහිපයක් පැවැත්වුවමුත් එය බීරි අලින්ට වීණා වැයීමක් විය.

කොවිඩ් අගුලුලෑම් වලින් බැට කෑ ලක්ෂ සංඛ්‍යාත ගනුදෙනුකරුවන් සිය රැකියා අහිමිවීම් සමඟ බරපතල ලෙස ජීවනෝපාය තර්ජනයකට මුහුණ පා ඇත. ශවුන් විසින් පසුගිය මාස දෙක පුරා හෙනාන්හි පළාත් අගනුවර වන Zhengzhou නගරයේ පෙළපාලි කිහිපයක් පවත්වා සාමකාමී විරෝධතා කිහිපයක් පැවැත්වුවමුත් එය බීරි අලින්ට වීණා වැයීමක් විය. ඊයේ දිනයේදී චීන මහජන බැංකුවේ Zhengzhou ශාඛාවෙන් පිටත රැස් වූ දහස් සංඛ්‍යාත විරෝධතාකරුවන් සටන්පාඨ කියමින් සිය ඉතුරුම් ඉල්ලා පළාත් පාලන ආයතනවලට එරෙහිව ක්‍රියා කිරීමක් මෙහිදී දක්නට ලැබිණි. ඔවුන් මධ්‍යම රජය මත විශ්වාසය තබන බව මෙහිදී පෙනෙන්නට තිබිණි.”හෙනාන් රජයේ දූෂණයට සහ ප්‍රචණ්ඩත්වයට එරෙහිව” ලෙස ඔවුන්ගේ ප්‍රදර්ශන පුවරු වෙත දක්නට ලැබිණ.

හදිසියේ සාමකාමී විරෝධතාවට කඩා වැදි ආරක්ෂක අංශ නිලධාරීන්ගේ හැසිරීම හේතුවෙන් තත්වය අවුල් වියවුල් වන්නට විය. සාක්ෂිකරුවන් සහ සමාජ මාධ්‍ය වීඩියෝවලට අනුව, ආරක්ෂක නිලධාරීන් විරෝධතාකරුවන් පඩිපෙළෙන් පහළට ඇද දමා කාන්තාවන් සහ වැඩිහිටියන් ඇතුළු ප්‍රතිරෝධය දැක්වූ අයට පහර දීමත් සමඟ දෙපාර්ශවය අතර ගැටුම් ඇති විය. විශාල පිරිසක් හමුදා අත්අඩංගුවට පත් වූ අතර ඔවුන් තාවකාලික රැදවුම් මධ්‍යස්ථාන වෙත යවන ලදි. තුවාල කරුවන් ප්‍රතිකාර සඳහා රෝහල්ගත කරන ලදි. බොහෝ දෙනෙක් සවස් වන විට රැඳවුම් භාරයෙන් නිදහස් වූ බව ජනතාව පැවසූහ. “මෙවර ඔවුන් මෙතරම් ප්‍රචණ්ඩකාරී සහ නිර්ලජ්ජිත වනු ඇතැයි මම අපේක්ෂා නොකළෙමි. ඔවුන් අපව කුරිරු ලෙස විසුරුවා හැරීමට පෙර සන්නිවේදනයක් හෝ අනතුරු ඇඟවීමක් නොතිබුණි,” ලෙසයි විරෝධතා කරුවන් CNN වෙත ප්‍රකාශකර තිබුණේ.


හෙනන් ග්‍රාමීය බැංකු පාලනය කිරීම සම්බන්ධයෙන් චෝදනා ලැබූ අපරාධ කල්ලියක සාමාජිකයින් මේ වන විට අත්අඩංගුවට ගත් බව ප්‍රාදේශීය පොලීසිය ප්‍රකාශ කරයි. බැංකු විධායකය ව්‍යාජ ණය ලබාදී නීතිවිරෝධී ලෙස මුදල් හුවමාරු කළ බවට ද සැකකරුවන්ට චෝදනා එල්ල වී ඇති අතර, මේ වන විට ඔවුන්ගේ ඇතැම් මුදල් සහ වත්කම් රාජසන්තක කර අත්හිටුවා ඇත.
කෙසේ නමුත් පීඩාවට පත් තැන්පත්කරුවන් අහිමි වූ ඉතුරුම් සහ විනාශ වූ ජීවනෝපාය පිළිබඳ මහා පරිමාණ පෙලපාලි තවදුරටත් රට පුරා සංවිධානය කරනු දක්නට ලැබෙන බව පැවසේ. ඔවුන් විසින් බලධාරීන් විසින් ක්‍රියාත්මක කරනු ලැබූ මර්දනය හෙළා දැක ඇති. මධ්‍යම රජය පිළිබඳ පෙර පැවති විශ්වාසය පලුදු වූ බව CNN වෙත ප්‍රකාශ කර තිබේ.

ඡායාරූප : CNN
https://youtu.be/nzsWxFYyy7I

SM-OBT

2023 දී ඉන්දියාව චීනය අභිබවා ලොව ජනාකීර්ණම රට වනු ඇතැයි අද (11)දින ප්‍රකාශිත එක්සත් ජාතීන්ගේ වාර්තාවකට අනුව සඳහන් වේ.

ඒ අනුව මෙම වසරේ වසරේ නොවැම්බර් වන විට ලෝක ජනගහනය බිලියන 8කට ළඟාවනු ඇති බව ඇස්තමේන්තු කර තිබේ. 2030 වන විට ලෝක ජනගහනය බිලියන 8.5 දක්වාත් වර්ධනය වන බව කියැවේ.

ජනගහන වර්ධනය 2050 වන විට බිලියන 9.7 දක්වා තව දුරටත් වර්ධනය විය හැකි බව එක්සත් ජාතීන්ගේ ප්‍රක්ෂේපනයන් යෝජනා කර ඇති බව ජාත්‍යන්තර මාධ්‍ය අනාවරණය කර තිබේ.මේ සම්බන්ධව විචාරකයන් අදහස් දක්වා ඇත්තේ ඉදිරි වර්ෂවල ජනගහන වර්ධනය ක්‍රමානුකූල රිද්මයකට ගමන් කරනු ඇති බවයි.

පසුගිය සතියේ සිටඋතුරු සහ මධ්‍යම පෘතුගාලයේ ප්‍රදේශ කිහිපයක ලැව්ගිනි ඇවිලෙමින් පවතින අතර සිකුරාදා සහ සෙනසුරාදා දිනවල නව ලැව්ගිනි 250කට ආසන්න ප්‍රමාණයක් ආරම්භ වී ඇති බව වාර්තා වේ. මෙහිදී ගිනි නිවන භටයින් 12 දෙනෙකුට සහ සිවිල් වැසියන් 17 දෙනෙකුට ගින්නෙන් තුවාල සිදුව ඇති අතර ඔවුන් වැඩිදුර ප්‍රතිකාර අවශ්‍ය බව පෘතුගීසි රාජ්‍ය රූපවාහිනිය RTP සහ ප්‍රාදේශීය මාධ්‍ය වාර්තා කර තිබේ.

ගින්න හේතුවෙන් හෙක්ටයාර් 1,500 (අක්කර 3,700) පමණ වෘක්ෂලතාදිය විනාශ වී ඇති අතර ගින්න මැඩ පැවැත්වීම සදහා ගිනි නිවන භටයින් 3,000ක් සහ ගුවන් යානා 60කට වැඩි සංඛ්‍යාවක් දැඩි උෂ්ණත්වය මධ්‍යයේ සටන් කරමින් සිටිති. මේ අනුව රජය විසින් අනපේක්ෂිත තත්වයක් ප්‍රකාශයට පත් කර ඇත.


පෘතුගාලය යනු දිගු කලක් තිස්සේ ඛේදජනක ලැව්ගිනි වලින් පීඩා විඳින රටකි. 2017 දී පාලනයෙන් තොර ලැව්ගිනි හේතුවෙන් පුද්ගලයන් 100 කට වැඩි පිරිසක් මිය ගොස් තිබේ. එමෙන්ම පෘතුගාලය තුළ මේ වන විට දැඩි නියඟ සහිත තත්වයක් ඇති වී ඇති අතර ඉදිරි මාස වල එය සමස්ත භුමියෙන් 38%කට පමණ පලපානු ඇතැයි විද්‍යාඥයින් පවසයි. මුහුද සහ වායුගෝලය සඳහා වූ පෘතුගීසි ආයතනය (IPMA) මෙම සති අන්තයේ රටේ සමහර ප්‍රදේශවල උෂ්ණත්වය සෙල්සියස් අංශක 40 දක්වා ඉහළ යනු ඇති බව නිවේදනය කර තිබේ.

මේ වන විට රජය විසින් විශේෂ අවදානමක් ඇතැයි සැලකෙන වනාන්තරවලට මහජන ප්‍රවේශය තහනම් කර ඇත. එමෙන්ම එළිමහනෙහි යන්ත්‍රෝපකරණ භාවිතාව හා ගිණි ‌‌කෙළි භාවිතාව තහනම් කර ඇත. අගමැති කොස්ටා ට්විටර් පණිවුඩයක් නිකුත් කරමින්, එළිමහනේ කිසිදු ගින්නක් දැල්වීම හෝ ගිනි පුපුරක් ඇති කළ හැකි ගොවිපල යන්ත්‍රෝපකරණ භාවිතා නොකරන ලෙස සිය ජනතාවගෙන් ඉල්ලා සිටියි.

ලෝකයේ දේශගුණික විපර්යාස, මහාද්වීපීය නියඟ සහ ලැව්ගිනි වැනි ස්වභාවික විපත් සඳහා දුෂ්කරම වසරවලින් එකකට මේ වන විට මුහුණ දී ඇති බව යුරෝපා සංගමය විසින් නිවේදනය කර ඇත.

SM-OBT

දශක දෙකකට අධික කාලයක් රුවන්ඩාවේ ජනාධිපති ධුරය හොබවන රුවන්ඩා දේශප්‍රේමී පෙරමුණේ (RPF) පෝල් කගමේ තවත් වසර 20ක පමණ කාලයක් බලයේ රැදී සිටීමට අපේක්ෂා කරන බව ජාත්‍යන්තර මාධ්‍ය අනාවරණය කර තිබේ. 64 හැවිරිදි ඒ මහතා තව අවුරුදු 20ක් තරග කිරීම ගැන සලකා බැලීමට සූදානම් බව ප්‍රකාශ වේ.

වසර පහකට පෙර පැවති පසුගිය ජනාධිපතිවරණයේදී ඔහු 99% ක ඡන්ද ප්‍රතිශතයක් ලබා ගත් බව නිල සංඛ්‍යාලේඛන පෙන්වා දෙනු ලැබීය. නමුත් රටින් පිටත බොහෝ දෙනෙක් ව්‍යාජ ලෙස බැහැර කළහ. කගමේ 2015 දී ආණ්ඩුක්‍රම ව්‍යවස්ථාව වෙනස් කළ අතර ඔහුට 2034 දක්වා බලයේ සිටීමට අවස්ථාව ලබා ගත්තේය. 1994 දී ඔහු බලයට පත් වූයේ ඔහුගේ කැරලිකාර හමුදා ජන සංහාරය අවසන් කිරීමට උදව් කිරීමෙන් පසුවය. කෙසේ නමුත් ඔහු රට යම් සංවර්ධිත මාවතකට ගෙන ආ බව සඳහන් වේ. විචාරකයන් පවසන්නේ ඔහු ඒකාධිපති පාලනයක් රට තුළ ගෙන යන බවයි.

මේ සම්බන්ධව බොහෝ දෙනා විවිධ මතවාද ඵල කරන අතර හියුමන් රයිට්ස් වොච් හි මධ්‍යම අප්‍රිකානු අධ්‍යක්ෂ ලුවිස් මුඩ්ජ් සඳහන් කර තිබුණේ “රුවන්ඩාව යනු දේශපාලන විරුද්ධවාදියෙකු වීමට තබා රජයට විරුද්ධ වීම ඉතා භයානක රටකි. මෙම අධිකාරීවාදී ක්‍රමය නුදුරු අනාගතයේ ක්‍රමය වනු ඇත,” යනුවෙනි. මේ හා සමාන අදහසක් එක්සත් ජනපදයේ වෙසෙන නීතීඥ සහ විශ්ව විද්‍යාල කථිකාචාර්ය චාල්ස් කම්බන්ඩා ප්‍රකාශ කර තිබිණි. එනම් “ඔහු තව අවුරුදු 20ක් දිගටම හිටියොත් රුවන්ඩාව නියම අපායක් වේවි” ලෙසයි BBC වාර්තා කර තිබුණේ.

රුවන්ඩාවෙහි මිලියන 12.6 කට අධික ජනගහනයක් ඇත. එය වඩාත්ම ජනාකීර්ණ අප්‍රිකානු මහාද්වීපික රට වේ. එමෙන්ම ලෝකයේ පස්වන වඩාත්ම ජනාකීර්ණ රට ද වේ. අද රුවන්ඩාවේ අසල්වැසි රටවල් හා සසඳන විට අඩු දූෂණ මට්ටමක් ඇත, නමුත් මානව හිමිකම් සංවිධාන විපක්ෂ කණ්ඩායම් මර්දනය කිරීම, බිය ගැන්වීම් සහ නිදහස සීමා කිරීම් එහි වාර්තා වේ. ඔවුන් මේ වන විටත් ජීවත් වන්නේ භීතියේ වාතාවරණයකය.

SM-OBT

එක්සත් ජනපදයේ ශ්‍රේෂ්ඨාධිකරණයේ අලුත්ම න්‍යාය නම් කාන්තාවකගේ සිරුරේ අයිතිය හිමි ඈට නොව දෙවියන් වහන්සේට බවයි. අවාසනාවට දෙවියන් වහන්සේද පිරිමියෙකි.

මීට සති කිහිපයකට පෙර ලොවක් තුෂ්නිම්භූත කරවමින් එක්සත් ජනපදයේ Roe v Wade ශ්‍රේෂ්ඨාධිකරණය විසින් එරට වසර 50ක් පුරාවට කාන්තාවන් භුක්ති විඳි ගබ්සා කිරීමේ අයිතිය තහනම් කරමින් නිකුත් කළ නියෝගයට එරෙහිව මේ වන විට දහස් සංඛ්‍යාත කාන්තාවෝ එරට ධවල මන්දිරය ඉදිරිපිට විරෝධතාවයේ නිරත වී සිටිති.

තම සිරුරට ඇති අයිතිය වෙනුවෙන් පෙනීසිටිමින් විවිධ සටන් පාඨ රැගත් කාන්තාවන් සහ ලිංගික හා ප්‍රජනන සෞඛ්‍ය ක්‍රියාධරයන් දහස් ගණනින් ඇමරිකානු ධවල මන්දිරය ඉදිරිපිට විරෝධතාවයේ නියැලෙන අයුරු දැකිය හැකිය.

බීබීසී පුවත් සේවය වාර්තා කරන අන්දමට මෙසේ විරෝධතාකරුවන් දස දහසක් පමණ ධවල මන්දිරය ඉදිරිපිට රැස්වී සිටිති.

මෙම විරෝධතාවයට එක්සත් ජනපදයේ නන් දෙසිනි පැමිණි කාන්තාවන් එක්ව සිටින අතර, ඇතැමුන් කිලෝමීටර දහස ගණන් ගෙවා පැමිණ ඇති බව ද සඳහන්.

සිරුර පිළිබඳ තීන්දු තීරණ ගැනීම මූලික අයිතිවාසිකමක් බවත්, ශ්‍රේෂ්ඨාධිකරණය විසින් මෙසේ උදුරාගෙන තිබෙන්නේ එම මූලික අයිතිවාසිකම බවත් ක්‍රියාධරයහු පෙන්වා දෙති.

ඉකුත් සිකුරාදා (08) දින එක්සත් ජනපද ජනාධිපති ජෝ බයිඩන්, ඖෂධ ගබ්සාව සහ හදිසි උපත් පාලන ක්‍රම සඳහා ඇති ප්‍රවේශය සහ සේවාදායකයන්ගේ පෞද්ගලිකත්වය ආරක්ෂා කිරීම ඇතුළු ගබ්සා රැකවරණය ආරක්ෂා කරන ලෙස තම සෞඛ්‍ය දෙපාර්තමේන්තුවට නියෝග කරමින් විධායක ආඥාවක් නිකුත් කළ අතර, ශ්‍රේෂ්ඨාධිකරණය ගනු ලැබූ මෙම තීන්දුවට එරෙහිව තමාගේ බලයෙන් කළ හැකි උපරිම දේ තමා කරන බව ද පවසා තිබිණි.

කෙසේවෙතත්, මෙම තත්ත්වය සම්බන්ධයෙන් ජනාධිපතිවරයා ගේ බලතල සීමිත අතර, ඔහුට කොංග්‍රසයේ නීති සම්පාදනය හරහා බලකළ නොහැකිය. ජෝ බයිඩන් ජනාධිපතිවරයාගේ බලතල අනුව, ඔහුට 6-3 ක කන්සර්වේටිව් සුපිරි බහුතරයක් හිමි ශ්‍රේෂ්ඨාධිකරණයේ තීන්දුව අහෝසි කළ නොහැක.

ජනාධිපතිවරයා ගනු ලැබූ තීරණය අගය කරන මුත්, ඔහුගේ බලතල ද මෙකී කරුණ සම්බන්ධයෙන් සීමිත නිසා සටන අත නොහරින බද ක්‍රියාධරයන් අවධාරණය කළහ.

ගබ්සා කිරීමේ අයිතිය හුදෙක් කාන්තාවන්ට පමණක් බලපාන කරුණක් නොවන අතර, විවිධ ලිංගික අනන්‍යතා ඇති ප්‍රජාවේ සංක්‍රාන්ති සමාජභාවී සහ නන්-බයිනරි අනන්‍යතා ඇති පුද්ගලයන්ට ද මෙම බරපතල මානව විරෝධී ශ්‍රේෂ්ඨාධිකරණ තීන්දුවේ බලපෑම සෘජුවම එල්ල වී තිබේ.

එක්සත් ජනපදයේ Roe v Wade ශ්‍රේෂ්ඨාධිකරණය විසින් ගනු ලැබූ මෙම තීන්දුව ලෝක සෞඛ්‍ය සංවිධානය, එක්සත් ජාතීන්ගේ සංවිධානය ඇතුළු ජගත් සංවිධාන රැසකගේ සහ රාජ්‍ය නායකයන් රැසකගේ බරපතල විවේචනයට තුඩු දී තිබේ.

IP-OBT