Tag: ඉන්ධන

ඉන්ධන හිගය ලබන බදාදා වනවිට සම්පූර්ණයෙන් අවසන් කරන බව බලශක්ති අමාත්‍ය ගාමිණී ලොකුගේ මහතා පවසනවා. ඔහු පෙන්වා දෙන්නේ මේ වනවිටත් සියලු ඉන්ධන පිරවුම්හල් වෙත ඩීසල් හා පෙට්‍රල් තොග ප්‍රවාහනය කරමින් සිටින බවයි.

ලෝක වෙළඳපොලේ බොරතෙල් මිල වාර්තාගත ලෙස ඉහළ ගොස් තිබෙනවා. යුක්රේන-රුසියා යුද උණුසුම හේතුවෙන් මෙවැනි තත්වයක් මතුව තිබේ.

මේ වන විට රටේ පවතින අර්බුදකාරී තත්ත්වයට විරෝධය පළකර පාලකයින්ට එරෙහිව ඊයේ රාත්‍රියේ කොහුවල නගර මධ්‍යයේ ජනතාව එක්රැස් වී විරෝධතාවක් සංවිධානය කර තිබුණි.

මගී බස්රථ ධාවනය සඳහා අවශය ඉන්ධන නිකුත් නොකිරීම හේතුවෙන් හෙට දිනයේදීද ධාවනය කළ හැක්කේ සමස්ත බස්රථවලින් 25% ක් පමණක් බව ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා පවසනවා. රාත්‍රී කාලයේ බස්රථ ධාවනය සම්පූර්ණයෙන්ම ඇණහිටිනු ඇති බවත් ඔහු වැඩිදුරටත් පවසනවා.

ශ්‍රී ලංකා නිදහස් පක්ෂයේ සියලුම ආසන සංවිධායකවරු විශේෂ රැස්වීමක් සඳහා අද (05) කොළඹ පක්ෂ මූලස්ථානයට කැඳවා තිබුණු අතර මේ වනවිට ආණ්ඩුවට එල්ලවෙමින් තිබෙන ජනතා විරෝධය හමුවේ තවදුරටත් ආණ්ඩුවේ පාර්ශවයක් ලෙස රැඳී සිටිනවාද? නැත්නම් ආණ්ඩුවෙන් ඉවත්වනවාද? යන්න පිළිබඳ යෝජනාවක් ඉදිරිපත් වූ අතර ඒ සම්බන්ධයෙන් ඉදිරියේදී මධ්‍යම කාරක සභාව රැස් වී සාකච්ජා කරන බව ශ්‍රීලනිප ජ්‍යෙෂ්ට උප සභාපති මහාචාර්ය රෝහණ ලක්ෂ්මන් පියදාස මහතා එම රැස්වීමෙන් අනතුරුව මාධ්‍ය වෙත අදහස් දක්වමින් පැවසුවේය.