දේශපාලන පුවත්

අද (09) පාර්ලිමේන්තුවේදී ජනාධිපති රනිල් වික්‍රමසිංහ මහතා විසින් සිදුකරන ලද විශේෂ ප්‍රකාශයෙන් පසු කරුණු පැහැදිලි කරගැනීම සඳහා විපක්ෂ නායක සජිත් ප්‍රේමදාස මහතා කතා කරමින් සිටියදී ඊට අමාත්‍ය ප්‍රසන්න රණතුංග මහතා බාධා කරමින් පැවසුවේ කරුණු පැහැදිලි කරගැනීමක් වෙනුවට විපක්ෂ නායක විසින් කතාවක් කරමින් සිටින අතර එය දෛනික න්‍යාය පත්‍රයට බාධාවක් බවයි.

කාලය හොඳ වෙද්දී බඹරේ වැල්ලෙත් කැරකෙන අතරවිශේෂයෙන් සමඟි ජන බලවේගයට ප්‍රශ්නයක් වී තිබුණු ගලි බවුසරයකට අධිකරණ තීන්දුවක් සමඟ දැන් ගෙදර යන්න සිදු වී ඇති බවත් ඒ වෙනුවට පාර්ලිමේන්තුවට යුද ටැංකියක් පැමිණීමට නියමිත බවත් පාර්ලිමේන්තු මන්ත්‍රී තුෂාර ඉඳුනිල් මහතා පවසයි.

උතුරු කොරියාවටයි කියුබාවටයි ආවඩමින් සිටි එක් සමාජවාදියෙකුට මේ වන විට දියුණුවන ලෝකයේ රටවල් පිළිබඳවත් ඇස් ඇරී ඇති බවත් ඔහු ක්‍රියාවෙන් විවාද කළ නොහැකි බවට පවසන බවත් විපක්ෂ නායක සජිත් ප්‍රේමදාස මහතා පවසයි.

ආරක්ෂක අමාත්‍යාංශය විසින් ත්‍රිවිධ හමුදාව වෙත ලබා දී තිබෙන සේවය හැර ගිය පිරිස් වෙත නීත්‍යානුකූලව සේවයෙන් ඉවත් වීම සඳහා ලබා දී තිබෙන පොදු සම කාලය ඇතැම් ක්ෂේත්‍ර වෙත නොලැබීම හේතුවෙන් බොහෝ පිරිසක් දැඩි අපහසුතාවකට පත්ව සිටින බව පසුගිය දින කිහිපය තුළම ප්‍රවෘත්ති හරහා වාර්තා කෙරුණි.

වසර හයක පමණ කාලයක් තිස්සේ රජයේ සේවයේ විධායක ශ්‍රේණියේ නිලධාරීන්ගේ වැටුප් සම්බන්ධ ප්‍රශ්නය විසඳීමට කාලරාමුවක් ඉදිරිපත් කරන ලෙස අද (08) පාර්ලිමේන්තුවේදී ජාතික ජන බලවේගයේ පාර්ලිමේන්තු මන්ත්‍රී විජිත හේරත් මහතා අගමැතිවරයාට අවධාරණය කළේය.