දේශපාලන පුවත්

උඩරට කැරැල්ල කාලේ සුද්දෝ රටේ ගෙඩි හැදෙන ගහක් ගානේ විනාශ කළ බවත්, කාලිංඝ මාඝ යුගයේ මේ රටේ අතීත ශිෂ්ටාචාරය විනාශ කළ බවත්, වර්ථමාන ආණ්ඩුව රටේ කෘෂිකර්ම ශිෂ්ටාචාරය සහමුලින්ම විනාශ කළ බවත් විපක්ෂ නායක සජිත් ප්‍රේමදාස මහතා පවසයි.

''ජනතාවගෙන් අපි ඉල්ලන්නේ තවදුරටත් මේ පාපය ඉවසන්න එපා.මේකට එරෙහිව නැගිටින්න'' යනුවෙන් සමඟි ජන බලවේගයේ පාර්ලිමේන්තු මන්ත්‍රී පාඨලී චම්පික රණවක මහතා අවධාරණය කළේය.

යුධ හමුදාවට භාණ්ඩ සැපයීමේ ටෙන්ඩර් ලබාගැනීම සඳහා ව්‍යාජ ලේඛන ඉදිරිපත් කළ බවට චෝදනා ලැබ, පසුව එම චෝදනාවලින් නිදහස් වූ හිටපු හමුදාපති, ෆීල්ඩ් මාර්ෂල් සරත් ෆොන්සේකා මහතාගේ බෑණා වන ධනුන තිලකරත්න මහතාට අයත් බැංකු ගිණුම් යළි සක්‍රිය කර ඇති බව ආරංචිමාර්ග පවසයි.

එම්. සී. සී. ෆර්ඩිනැන්ඩෝ මහතාගේ ඉල්ලා අස්වීමෙන් පුරප්පාඩු වන ලංකා විදුලිබල මණ්ඩලයේ සභාපති ධුරය සඳහා එහි හිටපු සභාපති විජිත හේරත් මහතාව පත්කිරීමට නියමිත බව වාර්තා වේ.

විදුලිබල මණ්ඩලයේ සභාපති තනතුරෙන් ඉල්ලා අස්වීමේ ලිපිය ජනාධිපතිවරයා වෙත ඊයේ (26) යොමු කළ එම්. සී. සී. ෆර්ඩිනැන්ඩෝ මහතා විදුලිබල අමාත්‍යාංශයෙහි ලේකම්වරයා වශයෙන් පත්කිරීමට නියමිත බව වාර්තා වේ.