දේශපාලන පුවත්

ආණ්ඩුවෙන් ඉවත්ව පාර්ලිමේන්තුවේ ස්වාධීනව කටයුතු කරන මන්ත්‍රීවරුන් 42 දෙනාගේ කණ්ඩායම සහ විපක්ෂ නායක සජිත් ප්‍රේමදාස මහතා ඇතුළු සමගි ජන බලවේගයේ නියෝජිතයින් අතර විශේෂ සාකච්ඡාවක් ඊයේ (10) දිනයේදී පැවැත්වී තිබේ.

ආණ්ඩු පක්ෂයෙන් ඉවත්ව පාර්ලිමේන්තුවේ ස්වාධීනව කටයුතු කරන මන්ත්‍රී කණ්ඩායමේ යෝජනාව අනුව අග්‍රාමාත්‍ය ධුරය භාරගැනීම ඩලස් අලහප්පෙරුම මහතා ප්‍රතික්ෂේප කර ඇති තත්වය තුළ අග්‍රාමාත්‍ය ධුරය සඳහා තවත් නම් දෙකක් හෝ තුනක් ඉදිරිපත් වී ඇති බව අභ්‍යන්තර ආරංචිමාර්ග පවසයි.

ආණ්ඩු පක්ෂයෙන් ඉවත්ව පාර්ලිමේන්තුවේ ස්වාධීනව කටයුතු කරන මන්ත්‍රී කණ්ඩායමේ යෝජනාව අනුව අග්‍රාමාත්‍ය ධුරය භාරගැනීමට ඊයේ (09) දිනය වනතුරුම ඩලස් අලහප්පෙරුම මහතා කැමැත්තෙන් සිටියත් අද දිනයේදී ඒ මහතා ඊට සිය අකැමැත්ත ප්‍රකාශ කර ඇති බව වාර්තා වේ.

මේ වනවිට ස්වාධීන කණ්ඩායමක් ලෙස පාර්ලිමේන්තුවේ කටයුතු කරන පක්ෂ 11 කණ්ඩායම සහ පොදුජන පෙරමුණෙන් ස්වාධීන වූ මන්ත්‍රී කණ්ඩායම සමග තවදුරටත් සාකච්ඡා කිරීමට ආණ්ඩුව තීරණය කර තිබෙනවා. ඒ අනුව සාකච්ඡාවක් සඳහා පැමිණෙන්නැයි අදාල කණ්ඩායම් දෙකට ජනාධිපති ගෝඨාභය රාජපක්ෂ මහතා විසින් ආරාධනා කර තිබේ.

ජනාධිපති ගෝඨාභය රාජපක්ෂ මහතාට සහ ආණ්ඩුවට එරෙහිව ජනතාව විසින් කොළඹ ගෝල්ෆේස් පිටිය අසල ඊයේ උදෑසන ආරම්භ කළ විරෝධතාවය අදත් (10) අඛණ්ඩවම පැවැත්වීමට නියමිත බව වාර්තා වේ.