දේශපාලන පුවත්

ජනාධිපති ගෝඨාභය රාජපක්ෂ මහතා විසින් මහින්ද රාජපක්ෂ මහතාව අග්‍රාමාත්‍ය තනතුරින් ඉවත් කිරීමට නියමිත බවට පැතිර යන පුවත් අසත්‍ය බව කැබිනට් ප්‍රකාශක නාලක ගොඩහේවා මහතා පවසයි.

රජයේ වෛද්‍ය නිලධාරීන්ගේ සංගමයේ සභාපති, විශේෂඥ වෛද්‍ය අනුරුද්ධ පාදෙනිය මහතා කලක පටන් මාධ්‍ය ඉදිරියට එන්නේම නැත. අවසන් වරට ඔහු මාධ්‍ය හමුවකදී දුටුවේ ඔහුගේ ද දායකත්වයෙන් යුත් වෘත්තිකයින්ගේ පෙරමුණක මාධ්‍ය හමුවකදී තමන් කාබනික පොහොර වැඩසටහනට සම්බන්ධ නැතැයි මාධ්‍ය වෙත ප්‍රකාශ කරන්නැයි තම සගයෙකුට රහසින් උපදෙස් දෙන වීඩියෝවකිනි. එදාත් පාදෙනිය ඒ මාධ්‍ය හමුව ඇමතුවේ නැත.

ජාතික සමගි අන්තර්වාර ආණ්ඩුවේ අග්‍රාමාත්‍ය ධුරය සඳහා හිටපු කථානායක කරූ ජයසූරිය මහතාව පත්කර ගැනීමට ප්‍රධාන පාර්ශ්ව රැසක්ම දැනටමත් එකඟවී ඇති බව අභ්‍යන්තර ආරංචිමාර්ග පවසයි.

රටේ පවතින වත්මන් දේශපාලන සහ ආර්ථික අර්බුදය විසඳීම සඳහා ශ්‍රී ලංකා නීතීඥ සංගමයේ යෝජනාව අනුව ක්‍රියාත්මක වීමට සමගි ජන බලවේගය එකඟ වූ බව එම පක්ෂය විසින් අද (07) නිවේදනය කරන ලදී.

ලබන සඳුදා (09) දිනයේදී අග්‍රාමාත්‍ය තනතුරෙන් ඉල්ලා අස්වන බවට මහින්ද රාජපක්ෂ මහතා ජනාධිපති ගෝඨාභය රාජපක්ෂ මහතා වෙත පොරොන්දුවක් ලබාදී ඇති බව ආරංචිමාර්ග පවසයි.