දේශපාලන පුවත්

යුධ හමුදාවට භාණ්ඩ සැපයීමේ ටෙන්ඩර් ලබාගැනීම සඳහා ව්‍යාජ ලේඛන ඉදිරිපත් කළ බවට චෝදනා ලැබ, පසුව එම චෝදනාවලින් නිදහස් වූ හිටපු හමුදාපති, ෆීල්ඩ් මාර්ෂල් සරත් ෆොන්සේකා මහතාගේ බෑණා වන ධනුන තිලකරත්න මහතාට අයත් බැංකු ගිණුම් යළි සක්‍රිය කර ඇති බව ආරංචිමාර්ග පවසයි.

එම්. සී. සී. ෆර්ඩිනැන්ඩෝ මහතාගේ ඉල්ලා අස්වීමෙන් පුරප්පාඩු වන ලංකා විදුලිබල මණ්ඩලයේ සභාපති ධුරය සඳහා එහි හිටපු සභාපති විජිත හේරත් මහතාව පත්කිරීමට නියමිත බව වාර්තා වේ.

විදුලිබල මණ්ඩලයේ සභාපති තනතුරෙන් ඉල්ලා අස්වීමේ ලිපිය ජනාධිපතිවරයා වෙත ඊයේ (26) යොමු කළ එම්. සී. සී. ෆර්ඩිනැන්ඩෝ මහතා විදුලිබල අමාත්‍යාංශයෙහි ලේකම්වරයා වශයෙන් පත්කිරීමට නියමිත බව වාර්තා වේ.

මහජන ආරක්ෂක අමාත්‍ය සරත් වීරසේකර මහතාට එරෙහිව ඉතාම බරපතළ චෝදනාවක් ජනාධිපති ගෝඨාභය රාජපක්ෂ මහතා හමුවට ඉදිරිපත් කර ඇති බව වාර්තා වේ.

අග්‍රාමාත්‍ය මහින්ද රාජපක්ෂ මහතාගේ පාර්ලිමේන්තු කටයුතු ලේකම්වරයා වූ උදිත් ලොකුබණ්ඩාර විසින් අග්‍රාමාත්‍යවරයාගේ බැංකු ගිණුමකින් මුදල් සොරකම් කිරීමේ කතාව මේ වනවිට මාධ්‍ය තුළ මහත් ආන්දෝලනයට ලක්ව තිබේ.