දේශපාලන පුවත්

නව ජනාධිපති ලේකම්වරයා වශයෙන් ලේකම් ගාමිණී සෙනරත් මහතා පත්වීමත් සමග ජනාධිපති කාර්යාලයේ සිදුකර ඇති ව්‍යුහාත්මක වෙනස්කම් කිහිපයක් සම්බන්ධයෙන් වැරදි අර්ථකථන දීමට ඇතැමුන් සමාජ මාධ්‍ය ඔස්සේ උත්සාහ දරමින් සිටින බවත් එම ප්‍රචාරයන් සාවද්‍ය බවත් ජනාධිපති මාධ්‍ය අංශය පවසයි.

ආණ්ඩුවේ ප්‍රධාන පාර්ශ්වය වන පොදුජන පෙරමුණෙන් ශ්‍රීලනිපයට කෙතරම් කෙනෙහිලිකම් සිදු වුවද ආණ්ඩුවෙන් එළියට යාමට ශ්‍රීලනිය සූදානම් නොමැති බව ශ්‍රීලනිප ජ්‍යෙෂ්ට උප සභාපති නිමල් සිරිපාල ද සිල්වා මහතා පවසනවා. මුහුණ සමග තරහ වී නහය කපා ගැනීමට නොහැකි බවත්, ආණ්ඩුවේ සම්පූර්ණ කාලසීමාව අවසන් වනතෙක් ආණ්ඩුව තුළ සිටීමට සිදුවන බවත් ඔහු වැඩිදුරටත් සඳහන් කරනවා.

ශ්‍රී ලංකාවේ ඉහළම සමාගම් 20ක ප්‍රධානීන් හෙට (21) දිනයේදී ජනාධිපති ගෝඨාභය රාජපක්ෂ මහතා හමුවීමට නියමිතව තිබේ.

එදිනට අදාළ නඩු කටයුතු අවසන් වීමෙන් අනතුරුව උසාවියෙන් පිටතදී චම්පික රණවක මහතාගේ සමීප හිතවතෙකු වන නීතීඥ ශිරාල් ලක්තිලක මහතා මාධ්‍ය වෙත ප්‍රකාශයක් ලබාදෙමින් මෙම නඩුව දේශපාලන හේතූන් මත පැවරූ එකක් යැයි පළමු දවසේදීම ඔප්පු වුණු බව ප්‍රකාශ කරමින් එහි තීන්දුවත් ප්‍රකාශයට පත්කරන ආකාරයක් දක්නට ලැබිණි.

මෝස්තරයට විකල්ප තේරීමට ගොස් පොහොට්ටුවට බලය දී අත්කරගත් ඉරණම පාඩමකට ගන්නා ලෙසත්, හුදෙක් කතාවලින් පමණක් රට පාලනය කළ නොහැකි බව දැන් ජනතාවට ඒත්තු ගොස් ඇති බවත් විපක්ෂ නායක සජිත් ප්‍රේමදාස මහතා පවසයි.