පුවත්

ලොව අංක එකේ ටෙනිස් ශූරයා වන නොවැක් ජොකොවිච්ට එළඹෙන ඕස්ට්‍රේලියානු විවෘත ටෙනිස් තරගාවලිය සඳහා සහභාගි වීමේ අවස්ථාව අහිමි වී තිබෙනවා.

2012 වසරේදී වැලිකඩ බන්ධනාගාරයේ ඇතිවූ ගැටුමක් අතරතුර සිරකරුවන් 8 දෙනෙකු ඝාතනය කිරීම සම්බන්ධයෙන් පොලිස් මත්ද්‍රව්‍ය නාශක අංශයේ හිටපු පොලිස් පරීක්ෂක නියෝමාල් රංගජීව සහ හිටපු බන්ධනාගාර අධිකාරීවරයෙකු වූ එමිල් රංජන් ළමාහේවා යන අයට එරෙහිව ගොනුකර ඇති නඩුවේ තීන්දුව ප්‍රකාශයට පත්කිරීම ජනවාරි 12 වනදා දක්වා කල්තැබීමට කොළඹ ත්‍රිපුද්ගල විශේෂ මහාධිකරණය අද (06) නියම කළේය.

මේ දිනවල ගෑස් අලෙවිසැල් අසල දිගු පෝලිම් දක්නට ලැබෙනවා. ඇතැම් පුද්ගලයන්ට අළුයම 01 සිට පෝලිම්වල සිටීමට සිදුව ඇති අතර පැය ගණන් පෝලිමේ සිට ගෑස් නොමැතිව ආපසු හැරී යාමට සිදු වූ අවස්ථා පිළිබඳවද වාර්තා වේ.

මෙරට දුගී දුප්පත් ජනතාව ඇතුළු සෑම මට්ටමකම ජනතාවට ප්‍රතිලාභ ලැබෙන පරිදි ශ්‍රී ලංකාව ලෝකය සමග එකතු කරන සමාජ වෙළඳපොළ ආර්ථික ප්‍රතිපත්තියක් මගින් රට ගොඩනැගීම සමගි ජන බලවේගයේ දිගුකාලීන ආර්ථික දැක්ම බව එම පක්ෂයේ භාණ්ඩාගාරික, කොළඹ දිස්ත්‍රික් පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පවසනවා.

ගෑස් හිගය හේතුවෙන් මේ වනවිට සාමාන්‍ය ජනතාව, සාමාන්‍ය ව්‍යාපාරිකයන් පමණක් නොව සුපිරි පන්තියේ හෝටල් ද අර්බුදයට ගොස් තිබෙනවා. ඒ හෝටල්වල භාවිතය සඳහා ප්‍රමාණවත් ගෑස් තොග සපයා ගැනීමට නොහැකි වීම හේතුවෙනි.