පුවත්

123 වැනි බණ්ඩාරනායක ජන්ම දින සැමරුම හෙට පෙරවරුවේදී පැවැත්වීමට නියමිතය. ගාලු මුවදොර අසල පිහිටි බණ්ඩාරනායක පිළිරුව අසලදී සමරු උත්සවය පැවැත්වෙන්නේ හිටපු ජනාධිපති චන්ද්‍රිකා බණ්ඩාරනායක මහත්මියගේ ප්‍රධානත්වයෙනි.

මෙරට ජනතාවට කොවිඩ් ප්‍රතිශක්තීකරණ එන්නත් අනිවාර්ය කිරීමේ හැකියාවක් සෞඛ්‍ය අමාත්‍යංශයට නොමැති බව සෞඛ්‍ය අමාත්‍ය කෙහෙළිය රඹුක්වැල්ල මහතා පවසනවා. ඊට අදාල නීතිමය ප්‍රතිපාදන නොමැති බවයි ඇමතිවරයා සඳහන් කරන්නේ.

මල්වාන ප්‍රදේශයේ සුවිසල් නිවෙසක් ඉදිකිරීම සම්බන්ධයෙන් බැසිල් රාජපක්ෂ මහතාට සහ තිරුකුමාර් කඩේසන් මහතාට එරෙහිව මුදල් විශුද්ධිකරණය වැළැක්වීමේ පනත යටතේ ගොනුකර ඇති නඩුව අද (07) ගම්පහ මහාධිකරණය හමුවේ කැඳවනු ලැබිණි.

ශ්‍රී ලංකා ගුවන් හමුදාව විසින් බණ්ඩාරනායක ජාත්‍යන්තර ගුවන් තොටුපලේ කොවිඩ් 19 එන්නත්කරණ මධ්‍යස්ථානයක් ස්ථාපිත කර තිබේ.

කාබනික පොහොර සංකල්පය හඳුන්වා දුන්නේ රටපුරා ව්‍යාප්තව තිබෙන වකුගඩු රෝගය, පිළිකා රෝග මතු පරපුරටත් පැතිරීම වැළැක්වීමේ අරමුණින් බව ජනාධිපති ගෝඨාභය රාජපක්ෂ මහතා පවසනවා. කාබනික පොහොර යනු ශාක කොටස් භාවිතා කර නිෂ්පාදනය කරන පොහොර පමණක් නොවන බවත් කෙසේ නමුත් විවිධ හේතු නිසා බාධක නිසා ඒ පිළිබඳ ප්‍රමාණවත් දැනුමක් ගොවි ජනතාව වෙත සම්ප්‍රේෂණය කිරීමට නොහැකි වූ බවත් ජනාධිපතිවරයා සඳහන් කරනවා.