Category: පුවත්

කොළඹ LNW:අල්ලස් ලබාගැනීමේ සිද්ධියක් සම්බන්ධයෙන් අත්අඩංගුවට ගැනුණු මධ්‍යම පළාත් සභාවේ හිටපු විපක්ෂ නායක දොන් හරින්ද්‍ර චානක අයිලප්පෙරුම (එක්සත් ජාතික පක්ෂය) රක්ෂිත බන්ධනාගාරගත කර තිබේ.

රජයේ රැකියා ලබාදෙන බව පවසා අල්ලස් ලෙස රුපියල් 200,000ක සහ රුපියල් 150,000ක මුදල් ඉල්ලා ලබාගැනීම සම්බන්ධව සැකකරු අද (26) අත්අඩංගුවට ගෙන ඇත.

සැකකරු මහනුවර මහේස්ත්‍රාත් අධිකරණයට ඉදිරිපත් කිරීමෙන් අනතුරුව එළඹෙන 28 වනදා දක්වා රක්ෂිත බන්ධනාගාරගත කිරීමට නියෝග කරන ලද අතර, එදිනට සැකකරු කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතයි.

ආශිකා බ්‍රාහ්මණ

කොළඹ LNW:ප්‍රතිපත්ති පොළී අනුපාතිකයේ වෙනසක් සිදු නොකිරීමට ශ්‍රී ලංකා මහ බැංකුවේ මුදල් මණ්ඩලය තීරණය කර තිබේ.

ඒ අනුව එම පොළී අනුපාතය 8% මට්ටමේ ඉදිරියටත් පවත්වාගෙන යන බවයි මහ බැංකු අධිපති ආචාර්ය නන්දලාල් වීරසිංහ මහතා සඳහන් කරන්නේ.

වත්මන් සහ අපේක්ෂිත දේශීය සහ ගෝලීය සාර්ව ආර්ථික ප්‍රවණතා පිළිබඳව මනාව සලකා බැලීමෙන් අනතුරුව මුදල් මණ්ඩලයේ පුරෝකථනය අනුව උක්ත තීරණය ගෙන තිබේ.

මැදිකාලීනව උද්ධමනය සියයට 5ක මට්ටමේ ඉලක්කය කරා ක්‍රමයෙන් ළඟාවීම සහතික කරමින් ආර්ථිකයට එහි උපරිම ධාරිතා මට්ටමට ළඟා වීමට සහායවීමේ අරමුණින් මෙම තීරණය ගෙන ඇති බවද ශ්‍රී ලංකා මහ බැංකුව ප්‍රකාශ කරයි.

වසරේ අවසාන කාර්තුව වන විට අවධානම් තත්ත්වය පහවී අපේක්ෂිත ඉලක්කය කර ළඟා වීමට හැකිවනු ඇති බවද මහ බැංකුව කියාසිටියි.

ඉදිරියේදී පුරෝකථනයේ වෙනසක් වෙන බව පෙනුනහොත් අලුත් දත්ත මත පදනම් වූ තීරණයක් ගැනීමට හැකිවනු ඇති බවද මහ බැංකුව පවසයි.

ආශිකා බ්‍රාහ්මණ

රෂිකා හෙන්නායක මාර්තු 26 කොළඹ LNW :

බ්‍රිතාන්‍ය පැනවූ සම්බාධක ගැන ශ්‍රී ලංකා රජය නිල වශයෙන් ප්‍රතිචාර දක්වයි – අතීතයේ සිදු වූ මානව හිමිකම් උල්ලංඝණය කිරීම් වෙතොත් ඒ පිළිබඳ දේශීය වගවීම් යාන්ත්‍රණය හරහා කටයුතු කරන බව විදේශ අමාත්‍ය විජිත හේරත් මහතා පවසයි.

ඊට අදාළ පැහැදිළි කිරීමේ නිවේදනය

රෂිකා හෙන්නායක මාර්තු 26, කොළඹ (LNW):

හිටපු ජනාධිපති මහින්ද රාජපක්ෂ මහතා මාධ්‍ය වෙත නිවේදනයක් නිකුත් කර ඇත.

ඒ බ්‍රිතාන්‍ය විසින් හිටපු ශ්‍රී ලංකා සන්නද්ධ හමුදාපතිවරුන්ට එරෙහිව සම්බාධක පැනවීම සම්බන්ධයෙන් ප්‍රතිචාර දක්වමිනි.

අදාළ නිවේදනය පහතින් දක්වා ඇත.

රෂිකා හෙන්නායක මාර්තු 26, කොළඹ (LNW):

අද කොළඹ මහාධිකරණය හමුවේ , හිටපු වෙළඳ අමාත්‍ය ජොන්ස්ටන් ප්‍රනාන්දු මහතා ඇතුළු තිදෙනෙකුට එරෙහිව අල්ලස් කොමිසම විසින් ගොනු කර තිබෙන නඩුව, යළි විභාගයට ගත් බව සඳහන් වේ.

එලෙස විභාගයට ගැණුනේ, ජොන්ස්ටන් ප්‍රනාන්දු මහතා වෙළෙඳ අමාත්‍යවරයා වශයෙන් කටයුතු කළ අවධියේ සතොස ආයතනයේ සේවකයින් ඔවුන්ගේ නිල රාජකාරීවලින් ඉවත් කර දේශපාලන කටයුතුවල යෙදවීම තුළින් රජයට පාඩුවක් සිදුකලේ යැයි චෝදනා කොට පවරා තිබූ නඩුවයි.

එම නඩු විභාගය පැවැත් වුණේ කොළඹ මහාධිකරණ විනිසුරු නවරත්න මාරසිංහ මහතා ඉදිරියේදීයි. එහිදී පැමිණිල්ල වෙනුවෙන් සාක්ෂි සටහන් කර ගැනීම ද සිදු කෙරුණ බව පැවසේ.

ඉන් අනතුරුව නඩුව වැඩිදුර විභාගය සඳහා ජූනි මස 23 දක්වා කල් තැබීමට විනිසුරුවරයා නියම කර ඇත.

වෙළඳ අමාත්‍යවරයා වශයෙන් කටයුතු කළ අවධියේ සතොස ආයතනයේ සේවකයින් ඔවුන්ගේ නිල රාජකාරීවලින් ඉවත් කර දේශපාලන ක්‍රියාකාරකම්වල යෙදවීම තුළින් රජයට පාඩුවක් සිදුකලේ යැයි චෝදනා කොට අල්ලස් පනත යටතේ හිටපු අමාත්‍ය ජෝන්ස්ටන් ප්‍රනාන්දු මහතා, සතොස ආයතනයේ හිටපු සභාපති එරාජ් ප්‍රනාන්දු සහ ඔහුගේ සම්බන්ධීකරණ ලේකම්වරයෙකු වන මොහොමඩ් සාකීර් යන අයට එරෙහිව අල්ලස් කොමිසම විසින් මෙම නඩුව ගොනු කර තිබුණි.

කොළඹ LNW:රක්ෂිත බන්ධනාගාරගත කර සිටින පොලිස්පති දේශබන්දු තෙන්නකෝන් ධුරයෙන් ඉවත් කිරීම සඳහා ආණ්ඩු පක්ෂය විසින් ගෙන එන විශ්වාසභංග යෝජනාව අප්‍රේල් 8 හෝ 9 වනදා පාර්ලිමේන්තුවට ඉදිරිපත් කර සම්මත කරන බව කැබිනට් ප්‍රකාශක සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පවසයි.

ඊට අදාළ පාර්ලිමේන්තු විවාදයෙන් අනතුරුව පොලිස්පති දේශබන්දු තෙන්නකෝන් මහතාව ධුරයෙන් ඉවත්කිරීම සම්බන්ධයෙන් වූ යෝජනාව සම්බන්ධයෙන් පාර්ලිමේන්තුවේදී ඡන්ද විමසීක් සිදුකිරීමට නියමිත බවයි අමාත්‍යවරයා පවසන්නේ.

එම යෝජනාව මන්ත්‍රීවරුන් 113 දෙනෙකුගේ ඡන්දයකින් සම්මත කර ගත යුතුව ඇති අතර පසුව සම්මත වූ එම යෝජනාව සම්බන්ධයෙන් කථානාකවරයා විසින් විමර්ශන කමිටුවක් පත් කිරීමට නියමිතයි.

එම විමර්ශන කමිටුවේ තීරණය කථානායකවරයා වෙත දැනුම්දීමෙන් අනතුරුව පොලිස්පති දේශබන්දු තෙන්නකෝන් මහතාව ධුරයෙන් ඉවත්කිරීමේ යෝජනාව සම්බන්ධයෙන් තීරණයක්ගනු ඇති.

ආශිකා බ්‍රාහ්මණ