*
දේශීය පුවත් විස්තරය: සාරාංශය 03/05
- ප්‍රතිපත්ති පොලී අනුපාත ඉහළ දැමීමට මහ බැංකුවේ මුදල් මණ්ඩලය තීරණය කිරීම පිළිබඳව ජාත්‍යන්තර මූල්‍ය අරමුදල සිය ප්‍රශංසාව පළ කරයි – උද්ධමන ඉලක්කය කරේ මහ බැංකුව දක්වන කැපවීම මෙමඟින් විද්‍යමාන වන බවත්, එය ජාත්‍යන්තර මූල්‍ය අරමුදලේ විස්තීර්ණ අරමුදල් පහසුකමේ වැදගත් කොටසක් බව ද පවසයි.
- එක්සත් ජනපදයේ සීඅයිඒ සංවිධානයේ අධ්‍යක්ෂ විලියම් බර්න්ස් ඉකුත් පෙබරවාරි 14 වන දින රහසිගත හමුවීමක් සඳහා ශ්‍රී ලංකාවට පැමිණි බව පිවිතුරු හෙල උරුමයේ නායක පා.ම. උදය ගම්මන්පිල පවසයි – එක්සත් ජනපදය සහ ශ්‍රී ලංකා රජය මේ පිළිබඳ නිහඬ ප්‍රතිපත්තියක් අනුගමනය කරන බව ද පවසයි.
- යෝජිත රුසියානු කුඩා න්‍යෂ්ඨික බලාගාරය ස්ථාපිත කිරීම සඳහා ත්‍රිකුණාමලය, හම්බන්තොට සහ මන්නාරම යන ප්‍රදේශ තුන පිළිබඳ සලකා බලමින් තිබෙන බව න්‍යෂ්ඨික බලශක්ති කාර්යාංශය පවසයි – රුසියාව සමඟ ගිවිසුම්ගත වීමට පෙර ඉන්දියාව සමඟ මේ පිළිබඳ සාකච්ඡා කිරීමට, සහ සම්පූර්ණයෙන්ම රුසියානු අරමුදල්ලාභී න්‍යෂ්ටික බලාගාරයක් හෝ හවුල් ව්‍යාපාරයක් ස්ථාපිත කිරීම පිළිබඳ සලකා බැලීමට රජය කටයුතු කරන බව ද පවසයි.
- දේශීය ටින්මාලු වල SLS ලාංඡනය දිස්වන ලෙස ඇතුල් කිරීම අනිවාර්ය බව පාර්භෝගික සේවා අධිකාරිය පවසයි – SLS ලාංඡනය නොමැති දේශීය ටින්මාලු වෙළඳපොලේ විකිණීමට ඇති බවට වාර්තා ලැබී ඇති බව ද පවසයි.
- මහාචාර්ය ජී.එල්. පීරිස් ශ්‍රී ලංකා පොදුජන පෙරමුණේ සභාපතිධුරයෙන් ඉවත් කිරීමට පක්ෂය තීරණය කළ බව එම පක්ෂයේ මහ ලේකම් සාගර කාරියවසම් පවසයි.
- ජාතික වැටුප් කොමිෂන් සභාව විසුරුවා හැරීමට ජනාධිපති රනිල් වික්‍රමසිංහ සූදානම් වෙයි – එම කොමිසමේ භූමිකාව මීට පෙර හොබවන ලද්දේ මුදල් අමාත්‍යංශයේ කලමනාකාර සේවා දෙපාර්තමේන්තුව විසිනි.
- ආයුර්වේද ඖෂධ නිශ්පාදනය කිරීම සඳහා අත්‍යාවශ්‍ය ද්‍රව්‍ය වර්ග අවම 130 ක පමණ සැපයුමේ හිඟයක් පවතින බව රජයේ ආයුර්වේද වෛද්‍යවරුන්ගේ සංගමයේ සභාපති වෛද්‍ය පී. හේවාගමගේ පවසයි – මෙය අනාගතයේ ආයුර්වේද ඖෂධ නිශ්පාදනය කිරීමෙහි ලා බරපතල බලපෑමක් එල්ල කළ හැකි බව ද පවසයි.
- සිංප්පූරු සමාගමක් වන Kreate Pte Ltd විසින් කොළඹ නෙලුම් කුළුනේ දෙවන මහලේ ශ්‍රී ලංකාවේ ප්‍රථම විදෙස් අරමුදල්ලාභී කැසිනෝ ශාලාව සහ විනෝද මධ්‍යස්ථානය විවෘත කළ බවට වාර්තා පළවෙයි – මෙම ව්‍යාපෘතිය සඳහා සිදුකරන සමස්ත ආයෝජනය ඇ.ඩො. බිලියන 01 තරම් වූ අතිවිශාල මුදලක් බව සඳහන්.
- කොළඹ කොටස් වෙළඳපොලේ සියලුම කොටස් මිල දර්ශකය (ASPI), සති දෙකක් පුරාවට පැවති පාඩු අවසන් කරමින්, ඉකුත් සතියේ පැවති 5.28% ක ලාභය ට තවත් 1.39% ක ලාභයක් එක් කරයි.
- ඉකුත් වසරේ සූර්ය බලශක්ති ක්ෂේත්‍රයට හඳුන්වා දුන් ගාස්තු සංශෝධනය අහෝසි කරමින් සූර්ය බලශක්තිය සඳහා නව මිල සූත්‍රයක් හඳුන්වාදීම සඳහා කැබිනට් පත්‍රිකාවක් ඉදිරිපත් කිරීමට විදුලිබල හා බලශක්ති අමාත්‍යාංශය සැරසෙයි.
