පාස්කු ඉරිදා ප්‍රහාරයක් එල්ල වන බවට නිශ්චිත බුද්ධි තොරතුරු ලැබී තිබියදී එම ප්‍රහාරය වළක්වා ගැනීමට අසමත් වීම සම්බන්ධයෙන් එල්ල වූ චෝදනාවලින් හිටපු ආරක්ෂක ලේකම් හේමසිරි ප්‍රනාන්දු මහතා සහ හිටපු පොලිස්පති පූජිත් ජයසුන්දර මහතා නිදහස් කරන්නේද යන්න පිළිබඳව තීන්දුව අද ප්‍රකාශයට පත් කිරීමට නියමිතය.
ප්‍රහාරය වළක්වා ගැනීමට ක්‍රියාමාර්ග නොගැනීම හරහා සාපරාධී ලෙස රාජකාරි පැහැර හැරීම ඇතුළු චෝදනා ගණනාවක් යටතේ විත්තිකරුවන්ට එරෙහිව කොළඹ විශේෂ ත්‍රිපුද්ගල මහාධිකරණය හමුවේ මෙම නඩුව පවරා තිබෙනවා.
පසුගිය 19 වැනිදා මෙම නඩුවට අදාල සාක්ෂි විභාගය අවසන් කළ අතර ඉන් අනතුරුව විනිසුරු මඩුල්ල ප්‍රකාශ කළේ අදාල චෝදනාවලින් විත්තිකරුවන් නිදහස් කරන්නේද එසේ නැතහොත් විත්තිවාචකය කැඳවන්නේද යන්න පිළිබඳව අද දිනයේදී ප්‍රකාශයට පත් කරන බවයි.
UN
